دۇنيەجۇزى بويىنشا ب ا ق جازاسىن وتەۋشىلەردىڭ قۇقىعىن قورعاۋ، تاربيە جۇمىستارىن جۇرگىزۋ جانە ءولىم جازاسىنى تىيىم سالۋ تۋرالى ءجيى ايتادى دەپ حابارلايدى qamshy.kz. ەۋروپا تۇرمەلەرىندە جازاسىن وتەۋشىلەرگە بارلىق جاعداي جاسالسا، دامىعان دەگەن اقش-تا جاعداي مۇلدە باسقا. تۇرمەلەردە ادامدار ازاپتاۋعا ءجيى ۇشىرايدى.

الەمدەگى ەڭ قورقىنىشتى تۇرمە برازيليادا. 2010 جىلى مۇندا جازاسىن وتەۋشىلەردىڭ جاپپاي ءولىمى تىركەلدى. بۇلىك كەزىندە 102 ادام كوز جۇمدى. تۇرمەدە دارىگەر كومەگىن الۋ مۇمكىن ەمەس دەپ ايتۋعا بولادى. ونداعى جازاسىن وتەۋشىلەردىڭ ءار بەسىنشىسى ۆيچ-پەن اۋىرادى. تۇرمەدە 7،5 مىڭعا جۋىق جازاسىن وتەۋشى بار. ولاردى مىڭداعان تۇرمە قىزمەتكەرى باقىلايدى.

كولورادا شتاتىنداعى ADX Florence قاتاڭ رەجيمدەگى مەملەكەتتىك تۇرمەسى دە الەمدەگى ەڭ ناشار تۇرمەلەردىڭ ءبىرى بولىپ سانالادى. جازاسىن وتەۋشىلەر اپتانىڭ تەك 9 ساعاتىن تازا اۋادا وتكىزەدى. تاۋلىگىنە 22 ساعات ولار كۇننىڭ كوزىن كورمەيدى. ولار ءتىپتى بىر-بىرىمەن دە سويلەسە المايدى.

ءۇشىنشى ورىندى پاريج قالاسىنداعى La Sante تۇرمەسى الادى. ونداعى جازاسىن وتەۋشىلەردىڭ قينالاتىنى سونشالىق ەگەۋقۇيرىقتارعا ارنالعان ۋدى ءىشىپ نەمەسە باسىن قابىرعاعا سوعىپ ولۋگە دايىن. 1999 جىلى عانا 124 ادام وزىنە قول جۇمساعان. تۇرمەنىڭ باس دارىگەرى ۆەرونيكا ۆاسسەر تۇرمەدەگى كامەرالار تولى ەكەنىن جانە ادامدار اپتاسىنا تەك 2 رەت قانا دۋش قابىلدايتىنىن جانە تۇرمەدە كەمىرگىشتەردىڭ وتە كوپ ەكەنىن ايتادى.

1867 جىلى سالىنعان تۇرمەنىڭ كۇزەتشىلەرى جازاسىن وتەۋشىلەرگە وتە قاتىگەز قارايدى. ولارعا سۋ بەرمەي، كارسەرگە قاماپ، ايۋاندىقپەن ۇرادى ەكەن.

الەمدەگى ەڭ قورقىنىشتى تۇرمەلەردىڭ تىزىمىنە سيرياداعى تادمورە تۇرمەسى دە كىرەدى. تادموردا ءالى كۇنگە دەيىن ورتاعاسىرلىق ازاپتاۋ ءادىسىن قولدانادى.

كەنيالىق نايروبي تۇرمەسىندە دە جازاسىن وتەۋشىلەردى ادام قۇرلى كورمەيدى. 800 ادامعا ارنالعان كامەرادا 3800 ادامدى ورنالاستىرعان. وندا دارىگەرلىك كومەكتە كورسەتىلمەيدى، ءتىپتى ماتراستا جوق. كامەرالاردى اۋا تەمپەراتۋراسى وتە جوعارى. ادامدار ءتىپتى مۇنداي جاعدايدان كوز جۇمىپ جاتادى.