اتىراۋ وبلىسىنىڭ اكىمى نۇرلان نوعايەۆ جەكپە-جەكتەن قازاقستان چەمپيونى اتانعان يساتاي تەمىروۆ پەن سايىسقا قاتىسۋشىلاردى بۇرىنعىنىڭ باتىرلارىنا تەڭەدى دەپ حابارلايدى qamshy.kz. ەل بىرىنشىلىگى اتىراۋ قالاسىندا كەشە 26 اقپاندا اياقتالدى.

ەكى كۇن وتكەن جارىسقا قازاقستاننىڭ تۇكپىر-تۇكپىرىنەن 200-گە جۋىق سپورتشى كەلدى. ولاردىڭ وتىزى اتىراۋ وبلىسىنىڭ باتىرلارى. ەرلەر ون سالماق بويىنشا، ايەلدەر بەس سالماق بويىنشا ب ا ق سىناستى. اتىراۋ وبلىسىنان ايەلدەر قاتىسقان جوق.

جالپىكوماندالىق ەسەپتە ءبىرىنشى ورىندى الماتى وبلىسى الدى. ەكىنشى ورىن اقتوبە، ءۇشىنشى ورىن اتىراۋعا بۇيىردى. 85 كەلى سالماقتا اتىراۋ وبلىسىنىڭ نامىسىن قورعاعان يساتاي تەمىروۆ چەمپيون اتاندى.

“بۇرىنعىنىڭ باتىرلارى ءدال سىزدەردەي بولعان شىعار. رۋحى بيىك، نامىسى بەرىك ازاماتتارىمىز كوپ بولسىن”، - دەدى نوعايەۆ.دۇنيەجۇزىلىك جەكپە-جەك قاۋىمداستىعىنىڭ پرەزيدەنتى سابىرجان عالىم ۇلىنىڭ ايتۋىنشا، بۇل دودا ەكسپو-2017 كەزىندە استانادا وتەتىن الەم چەمپيوناتىنىڭ ىرىكتەۋ كەزەڭى.

ايتا كەتەلىك، اتىراۋداعى سايىستا ءبىرىنشى جانە ەكىنشى ورىن العان سپورتشىلارعا “سپورت شەبەرى” دەگەن اتاق بەرىلەدى.