بۇگىن الماتىدا جادىرا  ساحييەۆا مەن مەرۋەرت تۇسىپپايەۆانىڭ  اراسىنداعى داۋ بويىنشا سوت وتىرىسى ءوتتى. سوتقا ءبىرى كەلسە ەكىنشىسى كەلمەي جۇرگەن سانگەر مەن ءانشى وسى جولى  جولىقتى،-دەپ حابارلايدى Stan.kz

سوت ءىستى قاراماس بۇرىن شاعىمدانۋشى جادو مەن مەرۋەرت تۇسىپبايەۆانى مامىلەگە كەلۋگە شاقىردى. جاسى كىشى بولعاندىقتان جادىرا ساحييەۆا ءانشى اپكەسىنەن ءبىرىنشى بولىپ كەشىرىم سۇرادى.

“مەن بۇل جەردە ەشقانداي دا اقشا ءوندىرىپ، اتىمدى شىعارۋدى كوزدەپ وتىرعان جوقپىن. كاسىبىم مەن جەكە باسىما قاراتىلا ايتىلعان سوزدەرگە رەنجۋلىمىن.”شوشقا” ، “فۋ” دەپ ايتاتىنداي نە كورىندى.ءالى دە بولسا تۇسىپبايەۆادان جاسىم كىشى بولعاندىقتان قۇرمەتتەپ، جۇرتتىڭ، حالىقتىڭ قالاۋىمەن، سۇراۋى بويىنشا كەشىرىم سۇرايمىن. ءبىراق، ەل الدىندا مەنى كەمسىتە سويلەگەنى دۇرىس ەمەس.”،- دەدى سانگەر جادىرا ساحييەۆا.

ال، بۇعان دەيىن جادىرانىڭ ۇستىنەن شاعىم ءتۇسىرىپ جۇرگەن ءانشى تۇسىپبايەۆا سوتتا باسقاشا قۇبىلدى. ءارى ءوزىنىڭ ايتقان سوزدەرى ءۇشىن جەلى قولدانۋشىلارى مەن جۋرناليستەردى كىنالادى.

“مەن ءۇش ۇيىقتاسام تۇسىمە كىرمەپتى جادىرا ساحييەۆامەن سوتتاسامىن دەگەن وي. ارامىز وتە جاقسى بولاتىن. ءبىزدى بىرى-بىرىمىزگە جەلى قولدانۋشىلارى مەن جۋرناليستەر ايداقتاپ، ۇرىستىردى. جادىرا مەننەن كەشىرىم سۇراسا مەن دە ودان كەشىرىم سۇرايمىن”،-دەدى تۇسىپبايەۆا.

وسىلايشا  سانگەر مەن ءانشى تاتۋلاستى. ەندى سوت ءوز كەزەگىندە تاراپتاردىڭ  مامىلەگە كەلۋىنە  بايلانىستى اشىلعان ءىستى جابادى.