دونالد ترامپ "وسكار" جۇلدەسىن تاپسىرۋ راسىمىندە بولعان داۋعا قاتىستى ءوز پىكىرىمەن ءبولىستى. اقش پرەزيدەنتىنىڭ ايتۋىنشا، "لۋچشيي فيلم" نوميناسياسىنىڭ جەڭىمپازىن جاريالاعانداعى قاتەلىكتىڭ تۇبىندە ساياسات جاتىر، - دەپ جازادى Breitbart News. 

سونداي-اق، ترامپ وسى قاتەلىك ءۇشىن  "وسكار" جۇلدەسىنىڭ بەدەلىنىڭ دە ءتۇسىپ قالعانىن ايتتى. «مەن وسى ۋاقىتقا دەيىن بىرنەشە "وسكار" جۇلدەسىن تاپسىرۋ راسىمدەرىندە  بولدىم. ءبىراق بۇل جولعى ماراپاتتاۋ ءراسىمىنىڭ بۇلاي بولعانى وتە وكىنىشتى. ءراسىم ويداعىداي ءوتتى دەپ ايتا المايمىن"، - دەدى اقش پرەزيدەنتى.
 

ەسكە سالا كەتەيىك، كەشە، 27 اقپاندا "وسكار" جۇلدەسىنىڭ 89-شى ماراپاتتاۋ ءراسىمى ءوتتى. الايدا سالتاناتتى ءىس-شارا جانجالمەن اياقتالدى. باستاپقى كەزدە «وسكاردى» «لا-لا-لەند» ميۋزيكلى العانى حابارلانىپ، ءتۇسىرىلىم توبى ساحناعا شىعىپ، العىستارىن جاۋدىرىپ جاتقاندا، ۇيىمداستىرۋشىلاردىڭ ءبىرى ساحناعا شىعىپ، قاتەلىك بولعانىن ايتىپ، «لۋننىي سۆەت» ءفيلمىن «جىل كارتيناسى» نوميناسياسىندا جەڭىسكە جەتكەنىن حابارلادى. بىرنەشە مينۋت بويى ساحنادا تىنىشتىق ورنادى. ساحناداعىلار مۇنى ءازىل دەپ ويلادى. الايدا جۇرگىزۋشىنىڭ جەڭىمپازدى قاتەلەسىپ ايتقانى بەلگىلى بولدى.