ۇلىبريتانيالىق 34 جاسار جەتى بالانىڭ اناسى ءوزىنىڭ تاعى دا اياعى اۋىر ەكەنىن ءبىلىپ ءوز وزىنە قول جۇمسادى دەپ حابارلايدى «قامشى» پورتالى The Sun گازەتىنە سىلتەمە جاساپ.

كارلا مۋراگ پەن ونىڭ جۇبايى مەتيۋ جەتى بالانىڭ اتا اناسى. 14 ايلىق پەن 15 جاس ارالىعىنداعى بالالاردىڭ اناسى بىلتىرعى جىلدىڭ تامىز ايىندا اياعى اۋىر ەكەنىن ءبىلىپ قاتتى تاڭقالعان. قارجىلىق داعدارىستى باستان كەشىرىپ جۇرگەن ەكەۋى ويلنا كەلە، كارلانىڭ دەنساۋلىعىنىڭ ءماز ەمەستىگىن ەسكەرە كەلىپ، بالانى الدىرتۋعا بەل بۋعان.

«ول وتە قاپالى بولدى. ءبىز جەتىنشى بالانى اسىراي الامىز با، قالاي باعىپ قاعامىز دەگەن ماسەلە ونى جەگىدەي جەدى» دەپ ەسىنە الدى كۇيەۋى مەتيۋ. 

سۋيسيدكە دەيىن توعىز كۇن بۇرىن كارلا  ءوز شەشىمىن وزگەرتىپ بالانى قالدىرام دەپ شەشىپ، اناليزدەردى تاپسىرۋ تۋرالى ايتقان» دەيدى دارىگەر.

مەتيۋدىڭ ايتۋى بويىنشا سول كۇنى كارلا ءبىرتۇرلى كوڭىل كۇيدە بولدى. الايدا اسا قاتتى قوبالجۋلى بولعانى بايقالماعان.

كارلا بالالارىنىڭ بىرەۋىنىڭ تۋعان كۇنىنە دايىندالىپ، تاماق جاساي باستاعان، ال كۇيەۋى سۋپەرماركەتكە تورت الۋعا كەتكەن. كۇيەۋى ۇيگە كەلگەن سوڭ كارلا وعان ءوزىنىڭ جايسىز سەزىنگەنىن ايتىپ، بولمەسىنە كەتىپ قالعان. ارادا ءبىراز ۋاقىت وتكەن سوڭ مەتيۋ ايەلىن دارعا اسۋلى كۇيىندە بولمەدەن تاپقان. ول ونى قۇتقارماق بولىپ، دارىگەرلەر شاقىرعان. الايدا، ايەل باقيلىق بولىپ كەتكەن، بالاسىن دا امان الىپ قالۋ مۇمكىن بولماعان.

ساراپشىلار كارلانىڭ قانىنىڭ قۇرامىندا ىشىمدىك پەن انتيدەپرەسانتتاردىڭ بار ەكەنىن انىقتاعان. تەرگەۋ ارەكەتتەرى  دارىگەردە ەشقانداي كىنا جوق ەكەنىن انىقتادى.