كەرال شتاتىندا 12 جاسار ءجاسوسپىرىم يندياداعى ەڭ جاس اكە اتاندى، دەپ حابارلايدى Indian Express، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
كەرالدىق تۇرعىننىڭ ءسابيى 2016 جىلى كوچچي قالاسىندا دۇنيەگە كەلگەن. سول كەزدىڭ وزىندە 17 جاستاعى انا ءسابيىنىڭ اكەسى وسى بالا ەكەندىگىن مالىمدەگەن بولاتىن. پوليسيا قىزمەتكەرى س.دجاياكريشناننىڭ ايتۋىنشا، دنق ساراپتاماسىنىڭ قورىتىندىسى اناسىنىڭ ءسوزىن راستاپ شىققان.
ءجاسوسپىرىمنىڭ ۇستىنەن ءسابيدىڭ اناسى ارىز جازىپ، كەرالدىق تۇرعىن جاس قىزعا زورلىق كورسەتتى دەگەن ايىپپەن قاماۋعا الىنعان بولاتىن، كەيىننەن ونى كەپىلمەن بوساتقان.
بەلگىلى بولعانداي، ءسابيدىڭ اتا-اناسى بىر-بىرىمەن تۋىس جانە كورشى تۇرادى ەكەن.
2013 جىلى جاڭا زەلانديا تۇرعىنى 11 جاسىندا اكە اتانعاندىعى جايلى حابارلانعان بولاتىن. سونىمەن قاتار، سوڭعى جىلداردى 12 جاسىندا اكە اتانعاندار الەم بويىنشا كوپ كەزدەسەدى، ونىڭ ىشىندە رەسەيلىك تۇرعىندار دا بار.
