سولتۇستىك قازاقستان وبلىسىندا پارتيالىق جانە قوعامدىق قايراتكەرى جاقسىلىق عابدوللا ۇلى ىسقاقوۆتى 85 جىلدىق مەرەيتويىمەن قۇتتىقتادى.

جاقسىلىق عابدوللا ۇلى 1932 جىلى  سولتۇستىك قازاقستان وبلىسىنىڭ بۇلاق اۋىلىندا تۋعان، قازاق مەملەكەتتىك اۋىل شارۋاشىلىعى ينستيتۋتىن، ك.ا. تيميريازيەۆ اتىنداعى اۋىل شارۋاشىلىعى اكادەمياسى مەن كوكپ وك  جانىنداعى جوعارعى  پارتيا مەكتەبىن  اياقتاعان.  

جاقسىلىق ىسقاقوۆ ەڭبەك جولىن پولۋدينو ماشينا-تراكتور ستانسياسىندا  اگرونوم بولىپ باستادى.

1957-1959 جىلدارى  وكتيابر اۋدانىنىڭ ۆوروشيلوۆ اتىنداعى ماشينا-تراكتور ستانسياسىندا، لەنين اۋدانىنىڭ «زاگرادوۆسكوە» كەڭشارىندا  باس اگرونوم بولىپ قىزمەت ەتتى.

1959 جىلى  سولتۇستىك قازاقستان وبلىسى لكجو وبلىستىق كوميتەتىنىڭ ەكىنشى، كەيىن ءبىرىنشى حاتشىسى بولىپ بەكىتىلدى.

ءار ءتۇرلى جىلدارى سولتۇستىك قازاقستان وبلىسىنىڭ تيميريازيەۆ  اۋدانىنىڭ اتقارۋ كوميتەتىنىڭ، كەيىن بەسكول اۋداندىق ەڭبەكشى   دەپۋتاتتار كەڭەسىنىڭ ءتوراعاسى، قازاقستاننىڭ كومۋنيستىك پارتياسىنىڭ سەرگەيەۆ اۋداندىق كوميتەتىندە ءبىرىنشى حاتشىسى  قىزمەتىن اتقاردى.

    1975 جىلدان 1991 جىلعا دەيىن سولتۇستىك قازاقستان وبلىستىق اتقارۋشى كوميتەتى ءتوراعاسىنىڭ ورىنباسارى، كەيىن  ءبىرىنشى ورىنباسارى بولدى، پاۆلودار اتقارۋشى كوميتەتىن باسقاردى.

1992- 2005 جىلدارى مەملەكەتتىك ورگانداردا ءتۇرلى لاۋازىمداردى اتقاردى.

قىزمەت بارسىندا «ۆ.ي. لەنين» وردەنىمەن، «قۇرمەت بەلگىسى»، «ەڭبەكشى قىزىل تۋ»، «وكتيابر توڭكەرىسى»، «حالىقتار دوستىعى» وردەندەرىمەن، «ەرەن ەڭبەگى ءۇشىن» مەدالىمەن ماراپاتتالعان.

مەرەيتوي يەسىن قۇتتىقتاي وتىرا ءوڭىر باسشىسى قۇمار اقساقالوۆ جاقسىلىق ىسقاقوۆ وبلىس دامۋىنا زور ۇلەس قوسقانىن اتاپ ءوتتى.  

«سولتۇستىك قازاقستان وبلىسى –  ءبىزدىڭ ەلىمىزدىڭ استىق قورىنىڭ  ءبىرى. ءسىزدىڭ  باسشىلىعىڭىزبەن  مال شارۋاشىلىعىندا جاڭا تەحنولوگيالار ەنگىزىلدى.  سونىڭ ارقاسىندا ەت پەن ءسۇت  ءوندىرىسى 2 ەسەگە، ونىمدىلىگى گەكتارىنا 5  سەنتنەرگە دەيىن ارتقان. ءبىز ءسىزدى كەڭەسشى، باسشى رەتىندە بىلەمىز.  ءسىزدى قۇتتىقتايمىز، دەنساۋلىق، وتباسى اماندىعى مەن ۇزاق عۇمىر تىلەيمىز»، - دەدى قۇمار اقساقالوۆ.

سونداي-اق، مەرەيتوي يەسىن وبلىستىق ارداگەرلەر كەڭەسىنىڭ ءتوراعاسى ەسكەندىر ەلەۋسىزوۆ، ەڭبەك ارداگەرلەرى – زينايدا بەيەۆا، ەۆگەنيي ۆيكتوروۆ، كۇدايبەرگەن قالييەۆ، سونىمەن قاتار، وبلىستىڭ «وداق»  كومسومول ارداگەرلەر  كەڭەسىنىڭ وكىلى ۆالەريي ماسلوۆ قۇتتىقتادى.

«اعامىز اتقا مىگەن كۇننەن باستاپ وسى ۋاقىتقا دەيىن اتتان تۇسپەگەن. ول دەگەن ءاربىر ادامنىڭ پەشەنەسىنە جازىلعان ەمەس. ءبىز سىزدەن ۇلگى الىپ،ونەگە الىپ  ءوسىپ كەلە جاتىر. بىرىشىدەن، اعامىز - وتكىر،  ەكىنشىدەن - ايتاتىن ءسوزى تۋرا، ءوز ءسوزىن دالەلدەپ شىعادى. سىزگە دەنساۋلىق تىلەيمىن، امان-ساۋ بولىپ جۇرە بەرىڭىز»، -دەپ قۇتتىقتادى قۇدايبەرگەن قالييەۆ.

ءوز كەزەگىندە جاقسىلىق عابدوللا ۇلى جينالعاندارعا العىسىن ايتتى.

«سىزدەرگە دوستىعىمىز ءۇشىن، جىلى سوزدەرىڭىز ءۇشىن العىسىمدى ايتامىن. ءوزىمنىڭ بار سانالى ءومىرىمدى مەن سولتۇستىك قازاقتسان وبلىسىندا وتكىزدىم، سىزدەرمەن بىرگە قىزمەت ەتتىم. ءبىز بارلىعىمىز ادال قىزمەت ەتىپ، بار كۇشىمىزدى، ءبىلىمىمىزدى سالىپ، ءبىر-بىرىمىزدى قولداپ، جاقسى ناتيجەلەرگە جەتىپ وتىرمىز»، - دەدى جاقسىلىق ىسقاقوۆ.

جيىن سوڭىندا ءوڭىر باسشىسى قۇمار اقساقالوۆ  ەڭبەك ارداگەرلەرىنىڭ، ءوڭىردىڭ قۇرمەتتى ازاماتتارىنىڭ پىكىرلەرى ءوسىپ كەلە جاتقان ۇرپاق ءۇشىن ۇلكەن ماڭىزى بار ەكەنىن اتاپ ءوتتى.

«سىزدەر تاريح قورعاۋشىلارىسىزدار، سىزدەر قوعامدىق پىكىردى قالىپتاستىراسىزدار. سوندىقتان ءتۇرلى  دەڭگەيدە وسىنداي كەزدەسۋلەردى  ءجيى وتكىزىلگەنى ماڭىزدى. ءبىز بۇعان مۇددەلىمىز جانە وسى جۇمىستى  وتكىزەتىن بولامىز»، - دەدى وبلىس اكىمى.