شىركەۋگە كەلگەن مەكتەپ وقۋشىلارىنا ادامنان جىن شىعارۋ پروسەسىن كورسەتكەن. بۇل تۋرالى qamshy.kz ۆەستي.Ru-عا سىلتەمە جاساپ حابارلايدى.
رەسەيدىڭ سۆەردلوۆسك وبلىسىنداعى گيمنازيا وقۋشىلارى ايەلدەر موناستىرىا ساياحات جاساماقشى بولىپ ەكزورسيزم (جىن شىعارۋ) پروسەسىنە كۋا بولعان.
بەلگىلى بولعانداي سەرگەي اكەي مۇنداي پروسەستەردى كۇندە تاڭەرتەڭ وتكىزەدى ەكەن. بۇعان ءتىپتى 4-سىنىپ وقۋشىلارى دا كۋا بولعان.
«ولارعا 12 جاسار قىزدىڭ بويىنان شايتاندى شىعارۋ پروسەسىن كورسەتكەن. شىركەۋ قىزمەتكەرى ودان جىندى شىعارعان. قىز ەركەك داۋىسپەن ايقايلاپ، شىڭعىردى. وسىنىڭ ءبارى مونيتورلاردا كورسەتىلگەن. بالالار ەشتەڭە تۇسىنبەي، قاتتى قورقىپ قالعان. سونىمەن بىرگە، بالالارعا ەشكىم مۇنداي جاعدايدىڭ ورىن الۋ مۇمكىندىگى تۋرالى دا جاق اشاپاسا كەرەك»- دەيدى وقۋشىلار اتا-انالارىنىڭ ءبىرى.
ۆيدەودا ناقتى كادرالار جوق، سەبەبى ءدال سول پروسەسس ورىن العان ۋاقىتتا ۆيدەو تۇسىرەتىن مۇمكىنشىلىك بولماعان. الايدا بالالار جازىپ العان اۋديودان بۇل پروسەستىڭ قالاي وتكەنىن ەستۋگە بولادى.
ال، ەكاتەرينبۋرگ ەپارحياسىنىڭ قىزمەتشىسى، بۇل ماسەلە توڭىرەگىندە، مۇنداي جاعداي بالالاردىڭ رۇقساتسىز سول جەرگە كىرىپ كەتۋى سەبەبىنەن ورىن الىپ وتىرعاندىعىن جەتكىزدى.
حريستيان شىركەۋلەرىنىڭ تارتىبىنە بايلانىستى، ىشىنە جىن كىرگەن ادامادار وسى سىندى شىركەۋ، موناستىرلارعا كومەك، جاردەم ىزدەپ كەلەدى. كوپ جاعدايدا ونداي ادامدارعا دارىگەرلەر كومەك كورسەتۋگە شاراسىز. سرەدنەۋرالدىق ايەلدەر موناستىرى ورمان ىشىندە، ادامداردان الاستاتىلعان جەردە ورنالاسقان. وندا كوپ ادامدار ەمدەلۋگە كەلەدى. جىن شىعارۋشى قىزمەتكەرلەر جەكە ارنايى بولمەلەردە وسى پروسەستى جۇزەگە اسىرادى. جانە بۇل بولمەلەر جابىق، وندا ەشكىم كىرگىزىلمەيدى دەگەن پىكىرلەر ايتىلدى.
«ەگەر وندا شىن مانىندە جىن شىعارۋ پروسەسى وتكەن بولسا، ەشقانداي ەكسكۋرسيا تۋرالى ءسوز بولۋى مۇمكىن ەمەس»-دەيدى ۆيليام شميد ەسىمدى پروفەسسور.
جاپا شەككەن ادامادار بولسا قانداي دا ءبىر سۇحبات بەرۋدەن قاشقاقتاپ وتىر، «ەكاتەرينبۋرگ-پاريج» مەكتەبىنىڭ باسشىلارى دا ەشقانداي پىكىر بىلدىرگىلەرى كەلمەگەن.
