حابارلاسپاي كەتكەنىڭ دۇرىس بولدى،
كوڭىلى تاڭعى سۋداي سالقىنداسىن دەگەن شىعارسىڭ،
وڭاشا قايمىعىپ، ءان تىڭداسىن دەگەن شىعارسىڭ.
مەنەن باسقا ءومىردى دە ەسىنە السىن دەگەن شىعارسىڭ،
ەگىلىپ جىلارسىڭ دا باسىلارسىڭ دەگەن شىعارسىڭ.
ماي ايىندا باسىنان كۇزدى وتكەرسىن دەگەن شىعارسىڭ،
سۇيەتىنى شىن بولسا، ىزدەپ كەلسىن دەگەن شىعارسىڭ.
مەيرامدا دا قۋانباي، مۇڭعا باتسىن دەگەن شىعارسىڭ،
سىنىق جۇزدەن سۋىق مۇز سىرعاناتسىن دەگەن شىعارسىڭ.
مەنىڭ ءالسىز جانىمدى كۇيرەتەيىن دەگەن شىعارسىڭ،
قاتالدىققا وسىلاي ۇيرەتەيىن دەگەن شىعارسىڭ.
ءبارى دە سولاي بولدى، جىلايمىن مەن،
ەرىسە دەپ ەرتەرەك مۇز بوپ قالمايمىن
ءبارى دە سولاي بولدى، تەك قانا ىزدەپ بارمايمىن
مەن - نازىك گۇلمىن، سەن - قۇلامايتىن شىنارسىڭ،
ءبىراق مەن شىداعاندا، وعان سەن شىدامايتىن شىعارسىڭ!
اۆتورى: كۇلاش احمەتوۆا
