«كسەلل» كومپانياسى مەن «WikiBilim» قوعامدىق قورى «قازاقستاننىڭ اشىق ۋنيۆەرسيتەتى» ءبىلىم بەرۋ پلاتفورماسىنداعى العاشقى تەگىن ونلاين-كۋرستاردىڭ باستالعانىن جاريالايدى. جوبا قبتۋ، AlmaU، SDU، ق.ساتبايەۆ اتىنداعى قازۇتزۋ، ماتەماتيكا جانە ماتەماتيكالىق مودەلدەۋ ينستيتۋتى سياقتى ەلىمىزدىڭ جەتەكشى جوعارى وقۋ ورىندارىنىڭ قولداۋىمەن ىسكە اسىرىلىپ وتىر.

«WikiBilim» قوعامدىق قورىنىڭ پرەزيدەنتى نۇربەك ءماتجانيدىڭ ايتۋىنشا، OpenU ءبىلىم بەرۋ پلاتفورماسىنىڭ ارقاسىندا قازاقستاندىقتار جوباعا سەرىكتەس ۋنيۆەرسيتەتتەردىڭ ۇزدىك پروفەسسورلارىنىڭ دارىستەرىنە ەركىن قول جەتكىزۋ مۇمكىندىگىنە يە بولدى. اشىق ۋنيۆەرسيتەتتىڭ العاشقى ونلاين-كۋرسىنىڭ اۆتورى – بەلگىلى قازاقستاندىق عالىم، فيزيكا-ماتەماتيكا عىلىمدارىنىڭ دوكتورى، پروفەسسور، ق ر ۇعا اكادەميگى اسقار جۇمادىلدايەۆ.

«جوعارى جىلدامدىقتى ينتەرنەتكە قولجەتىمدىلىكتىڭ ارتۋى كوپتەگەن سالالاردى وزگەرتىپ، تيىمدىلىكتى ارتتىرۋعا جاڭا مۇمكىندىكتەر اشىپ وتىرعانى بارشامىزعا بەلگىلى. مىسالى، جوعارى ءبىلىم بەرۋ سالاسىندا بۇقارالىق اشىق ونلاين-كۋرستارعا (MOOC) نەگىزدەلگەن ونلاين وقىتۋ تەحنولوگيالارى دامىپ جاتىر. دۇنيەجۇزىندە ميلليونداعان تىڭدارمان وسىنداي كۋرستارعا قول جەتكىزە وتىرىپ، ءبىلىم الادى، بىلىكتىلىگىن ارتتىرادى نەمەسە جاڭا ماماندىقتى مەڭگەرەدى. OpenU جوباسىنىڭ مىندەتى – نيەت بىلدىرۋشىلەردىڭ بارلىعىنا قازاقستاندىق جەتەكشى پروفەسسورلاردىڭ ەڭ ۇزدىك دارىستەرىنە قول جەتكىزۋدى قامتاماسىز ەتۋ. بۇعان اسىرەسە ءبىزدىڭ وڭىرلىك جوعارى وقۋ ورىندارىنىڭ ستۋدەنتتەرى مۇددەلى. «قازاقستاننىڭ اشىق ۋنيۆەرسيتەتى» ديپلوم بەرمەيدى، ول ۋنيۆەرسيتەتتەرگە ءوز قىزمەتتەرىنىڭ ساپاسىن ارتتىرۋعا، ال وقۋشىلارعا ساپالى ءبىلىم الۋعا كومەكتەسەدى»، - دەپ اتاپ ءوتتى «WikiBilim» قورىنىڭ نەگىزىن قالاۋشى ءارى قامقورشىلىق كەڭەسىنىڭ ءتوراعاسى راۋان كەنجەحان ۇلى.

Kcell كومپانياسىنىڭ قولداۋىمەن العاشقى 10 ونلاين-كۋرس ازىرلەندى. ولاردىڭ قاتارىندا كەلەسىدەي كۋرستار بار:

1. ماتريسالار جانە انىقتاۋىشتار؛
2. مەملەكەتتىك-جەكەشەلىك ارىپتەستىك؛
3. Web-باعدارلامالاۋ نەگىزدەرى؛
4. فۋرە تالداۋى؛
5. روبوتوتەحنيكا؛
6. ۆۆەدەنيە ۆ كومپيۋتەرنىە ناۋكي نا يازىكە Java.

ءبىر كۋرستىڭ ورتاشا ۇزاقتىعى – 5 اپتا. بىرەگەي ءبىلىم بەرۋ كونتەنتىنىڭ 80%-ى قازاق تىلىندە. بۇعان قوسا، پورتالدا ونلاين-كۋرس اۆتورلارى ۇسىناتىن ارنايى ادەبيەتتەر ورنالاستىرىلادى. سونىمەن بىرگە، پلاتفورمادا العان ءبىلىمدى تەكسەرۋگە ارنالعان تەستتىك تاپسىرمالار دا قاراستىرىلعان.

OpenU.kz پلاتفورماسى گارۆارد ۋنيۆەرسيتەتى مەن ماسساچۋسەتس تەحنولوگيا ينستيتۋتى ماماندارى جاساعان Open edX نەگىزىندە قۇرىلعان. سايتتا ءينتۋيتيۆتى ينتەرفەيس، ىڭعايلى ۆيدەوپلەەر، كۋرس تىڭداۋشىلارىنىڭ جەكە كابينەتى، تەست تاپسىرمالارى مەن كونسپەكتىلەر بار.

«ءبىز «اشىق ۋنيۆەرسيتەت» جوباسى تەك كوللەدج جانە جوعارى وقۋ ورىندارى تالاپكەرلەرى مەن ستۋدەنتتەرىنە عانا ەمەس، سونداي-اق جۇمىس ىستەپ جۇرگەن، سونىڭ ىشىندە، ءىت جانە تەلەكوممۋنيكاسيالار سالاسىنداعى ماماندارعا دا قىزىق بولادى دەپ سەنەمىز. وعان قوسا، پلاتفورما مۇمكىندىگى شەكتەۋلى جاندار مەن مەگاپوليستەردەن شالعايدا ورنالاسقان اۋدان تۇرعىندارىن ءبىلىم بەرۋ كۋرستارىنا قول جەتكىزدى. اتالمىش جوبا ەلىمىز ءۇشىن شىنىمەن دە بىرەگەي جوبا بولىپ سانالادى. كەلەشەكتە بۇل جوبانى ەكونوميكانىڭ باسقا دا سالالارىنداعى ءبىز سياقتى ءبىلىم بەرۋدى دامىتۋ مەن ءوز سالاسى ءۇشىن جوعارى بىلىكتى كادرلاردى دايىنداۋعا مۇددەلى كومپانيالاردىڭ قولدايتىنىنا سەنگىمىز كەلەدى»، - دەدى «كسەلل» اق كوممۋنيكاسيالار ءبولىمىنىڭ جەتەكشىسى ناتاليا ەسكوۆا.