قىرعىزستاننىڭ باس پروكۋراتۋراسى بۇرىنعى ۆيسە-پرەمەر-مينيستر تايىربەك سارپاشيەۆ پەن مەملەكەتتىك تىركەۋ قىزمەتىنىڭ لاۋازىمدى تۇلعالارىنا قارسى "قىزمەت بابىن اسىرا پايدالاندى" دەگەن باپپەن قىلمىستىق ءىس قوزعادى دەپ حابارلايدى centralasian.org پروكۋراتۋرانىڭ باسپا ءسوز قىزمەتىنە سىلتەمە جاساپ.
پروكۋراتۋرا مالىمەتى بويىنشا، 2013 جىلى 28 ناۋرىزدا مەملەكەتتىك تىركەۋ قىزمەتى تۋۋ تۋرالى كۋالىككە 8 ملن سومعا تەندەر جاريالاعان. وعان ەكى كومپانيا قاتىسىپ، سونىڭ ءبىرى جەڭىسكە جەتكەن.
قارجى مينيسترلىگى تەندەردى ءوتتى دەپ تانىعان. ءبىراق سارپاشيەۆ تەندەردە ۇتىلعان كومپانيادان كۋالىك بلانكتەرىن ساتىپ الۋعا تاپسىرما بەرگەن.
40 مىڭ تۋۋ تۋرالى كۋالىك جاڭا تۋعان سابيلەرگە تاراتىلعان. 2015 جىلى ماۋسىمدا ماماندار بلانكتەردەن قاتە تاپتى: تۋۋ تۋرالى كۋالىكتەردە ۇساق ارىپتەرمەن "نەكە تۋرالى كۋالىك" دەپ جازىلعان.
