بۇگىن قازاقستان رەسپۋبليكاسى اۋىل شارۋاشىلىعى مينيسترلىگىندە 2017 جىلى ءۇيىرلى شەگىرتكە تەكتەس زيانكەستەرگە قارسى كۇرەستى ۇيىمداستىرۋ جونىندەگى ءىس-شارالار دايىندىعىنىڭ بارىسى تۋرالى بريفينگ وتكىزىلدى دەپ حابارلايدى "قامشى" اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

وندا قازاقستان رەسپۋبليكاسى اۋىل شارۋاشىلىعى مينسترلىگى اگروونەركىسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى ە.ت. اينابەكوۆ 2017 جىلى ءۇيىرلى شەگىرتكە تەكتەس زيانكەستەرگە قارسى قورعانىس ءىس-شارالارىن ۋاقىتىلى جانە ساپالى جۇرگىزۋ ءۇشىن ءىس-شارالار دايىندىعىنىڭ بارىسى تۋرالى حاباردار ەتتى.

2017 جىلى ءۇيىرلى شەگىرتكە تەكتەس زيانكەستەردىڭ تارالۋى 1 570،7 مىڭ گەكتار الاڭدا بولجامدالۋدا، ونىڭ ىشىندە، يتالياندىق پرۋس – 951،6 مىڭ گەكتار، ازيالىق شەگىرتكە – 298،4 مىڭ گەكتار، ماروككالىق شەگىرتكە – 320،7 مىڭ گەكتار.

 شەگىرتكە تەكتەس زيانكەستەرگە قارسى ءىس-شارالاردى جۇرگىزۋ ءۇشىن رەسپۋبليكالىق بيۋدجەتتەن 1 538،5 ملن.تەڭگە قاراجات ءبولىندى، بۇل قاجەتتى پەستيسيدتەردى، ولاردى ساقتاۋ، تاسىمالداۋ جانە قولدانۋ جونىندەگى قىزمەت كورسەتۋلەردى ساتىپ الۋعا مۇمكىندىك بەرەدى.

بۇگىنگى كۇنى اتالعان قاراجاتتاردىڭ ەسەبى ارقىلى كونكۋرستىق راسىمدەر اياقتالۋدا، پەستيسيدتەردى جەتكىزۋشىلەر، ولاردى ساقتاۋ، تاسىمالداۋ جانە قولدانۋ جونىندەگى قىزمەت كورسەتۋشىلەر انىقتالدى.

 جامبىل جانە وڭتۇستىك قازاقستان وبلىستارىنا پەستيسيدتەر جەتكىزىلدى جانە حيميالىق وڭدەۋ جونىندەگى قىزمەتتى كورسەتۋشىلەر انىقتالدى.

            ءۇيىرلى شەگىرتكەلەر بويىنشا مونيتورينگتىك تەكسەرۋلەر 38 783،0 مىڭ گەكتار الاڭدا جوسپارلانعان، ونىڭ ىشىندە، يتالياندىق پرۋس بويىنشا 27 376،0 مىڭ گەكتار، ازيالىق شەگىرتكە بويىنشا 8 291،0 مىڭ گەكتار جانە ماروككالىق شەگىرتكە بويىنشا 3 115،0 مىڭ گەكتار.

            2017 جىلى مونيتورينگتىك جۇمىستاردى جۇرگىزۋ ءۇشىن مەملەكەتتىك مەكەمەگە 448 اۆتوكولىكتى جالعا الۋعا جانە 437 تەكسەرۋشىلەردى جۇمىلدىرۋعا قاراجاتتار ءبولىندى. شتاتتاعى جۇمىسكەرلەردى قوسا العاندا تەكسەرۋ جۇمىستارىنا بارلىعى 1184 ادام جانە 617 اۆتوكولىك قاتىساتىن بولادى. وعان قوسا قاجەت بولعان جاعدايدا قازاقستاننىڭ جول كارتاسى باعدارلاماسى بويىنشا جۇمىسقا ورنالاستىرۋ ورتالىقتارىنان قوسىمشا تەكسەرۋشىلەر تارتىلاتىن بولادى.

            كورشىلەس مەملەكەتتەر تاراپىنان تالاپ-شاعىمداردى بولدىرماۋ ماقساتىندا قحر، رەسەيمەن، وزبەكستانمەن جانە قىرعىزستانمەن شەكارالاس اۋماقتاردا شەگىرتكە تەكتەس زيانكەستەردى انىقتاۋعا، سونداي-اق بىرلەسكەن حاتتامالاردى جانە تەكسەرۋ اكتىلەرىن تولتىرۋ ارقىلى جۇرگىزىلگەن وڭدەۋلەردىڭ تيىمدىلىگىن انىقتاۋعا بىرلەسكەن تەكسەرۋلەر جۇرگىزىلەتىن بولادى.

            وسىعان بايلانىستى، قازاقستان رەسپۋبليكاسى اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكسيا كوميتەتىمەن   2017 جىلى ءۇيىرلى شەگىرتكە تەكتەس زيانكەستەرمەن  كۇرەستى ۋاقىتىلى جانە ساپالى جۇرگىزۋ ءۇشىن بارلىق شارالار قابىلدانۋدا.

            بۇگىنگى كۇنى وڭتۇستىك قازاقستان وبلىسىندا ماروككو شەگىرتكەسىنىڭ كۇبىرشەكتەرىنە زەرتتەۋلەر باستالدى.