35 جاستاعى كەلىنشەك ەكى بالاسىن اقىسى تولەنبەگەن جالدامالى پاتەردە قالدىرىپ، كۇيەۋىمەن بىرگە كەتىپ قالعان دەپ حابارلايدى halyknews.kz.
35 جاستاعى كراسنودارلىق ليۋدميلا ك. ءۇش ايعا پاتەر جالداپتى. جاس كەلىنشەك سول جەردە كۇيەۋىمەن جانە بىرەۋى ۇشتەگى، ەكىنشىسى جەتىدەگى ەكى بالاسىمەن تۇرعان. پاتەردىڭ كەزەكتى جالپۇلىن تولەۋ مەزگىلى كەلگەندە، ول ەكى بالاسىن تاستاپ، كۇيەۋىمەن بىرگە قاشىپ كەتىپتى. ەرلى-زايىپتىلار بالالارىن قالدىرعانىمەن قويماي، ءۇي يەسىنىڭ تۇرمىستىق تەحنيكالارىن الا كەتىپ، ولاردى كەيىن لومباردقا وتكىزگەن كورىنەدى.
اقشاسىن الۋعا كەلگەن پاتەر يەسى ۇيدە بالالاردىڭ جالعىز وتىرعانىن، دۇنيەسىنىڭ قولدى بولعانىن كورەدى. ءسويتىپ، ول قاشقىن ەرلى-زايىپتىلاردى ءبىر تاۋلىك كۇتەدى دە، سودان كەيىن پوليسيا شاقىرادى.
ءۇش جاسار ۆلاد پەن جەتى جاستاعى كسەنيا جۇقپالى اۋرۋلار اۋرۋحاناسىنا جەتكىزىلدى، ەكەۋى دە ناۋقاس. ال انا ايەل جالداعان ءۇيىنىڭ كوفە قايناتقىشىن، ءۇي كينوتەاترىن، قىسقا تولقىندى پەشىن الىپ كەتىپ، لومباردقا وتكىزىپ جىبەرىپتى.
