ورالدىڭ شالعايداعى (زاشاعان، دەركول) اۋداندارى سانيتارلىق نورماعا جاۋاپ بەرەتىن تازا سۋدى پايدالانۋعا مۇمكىندىك الدى دەپ حابارلايدى قامشى اقپاراتتىق اگەنتتىگى. «باتىس سۋ ارناسى» ج ش س زاماناۋي ەلەكتروليز ستانسياسىن ىسكە قوستى. بۇل جەردە سۋدى گاز تۇرىندەگى حلوردى قولدانباي، ءقاۋىپسىز ناتريي گيپوحلوريدىنە كوشۋ ارقىلى زارازسىزداندىرادى. مۇنداي تازالاۋ ادىسىنە بىرتە-بىرتە ورالدىڭ جەر استى سۋ جيناۋ  جانە  سۋ تازارتۋ قۇبىرلارى دا كوشەدى.

«باتىس سۋ ارناسى» ءجشس-نىڭ كەلەشەكتەگى دامۋى جونىندە جانە جىلدىڭ قورىتىندىسى تۋرالى جۋرناليستەرگە ورالدىڭ سۋمەن جابدىقتاۋ نىساندارىنا جۇرگىزىلگەن باسپا ءسوز تۋرى كەزىندە باياندالدى.  قالادا جاڭا ستانسيا سالۋ جوباسىن باسقارۋشى كومپانيا «سۋ رەسۋرستارى-ورال ماركەتينگ» ككج ج ش س باستاماسى بويىنشا ىسكە اسىردى. 

«4 جىل بۇرىن قازاقستاندا تۇرعىن ءۇي شارۋاشىلىق جۇيەسىن كەشەندى جاڭعىرتۋ باستالدى. ونىڭ ىشىنە سۋ ارنالارىن جاڭعىرتۋ دا كىردى. بۇگىنگى تاڭدا پايدا اكەلەتىن سۋ ارنالارى ساۋساقپەن سانارلىق. مىسالى، وسىنداي جەتىستىكتەرگە الماتى، شىمكەنت جانە باسقا دا بىرنەشە وڭىرلەر قول جەتكىزە الدى. ءبىز ءقازىر وسى قالالاردىڭ وڭ ناتيجەلى تاجريبەسىن قولدانۋدامىز»، -  دەدى «باتىس سۋ ارناسى» ءجشس-نىڭ ديرەكتورى شۋنايەۆ ەسجان.

«باتىس سۋ ارناسى» ج ش س 2016 جىلعا دەيىن كوممۋنالدىق مەنشىكتە بولدى.
ءبىر جىل بۇرىن كاسىپورىن «سۋ رەسۋرستارى-ورال ماركەتينگ» ككج جشس-نە سەنىمگەرلىك باسقارۋعا بەرىلدى. بۇرىنعىشا قالالىق اكىمشىلىكتىڭ قاراماعىندا. باسقارۋشى كومپانيانىڭ مىندەتى - الدىڭعى قاتارلى تەحنولوگيالاردى ەنگىزۋ، وندىرىستىك ۇردىستەردى باسقارۋ جانە ۆودوكانالدى پايداعا شىعارۋ. كومپانيا ءوز جۇمىسى تۋرالى ەسەپتى باقىلاۋ-تەكسەرۋشى ورگاندارعا جانە اكىمشىلىككە تۇراقتى تاپسىرىپ وتىرادى جانە اشىق جۇمىس جاسايدى.

كومپانيانىڭ سەنىمگەرلىك باسقارۋداعى جۇمىسى ءتىپتى ءبىرىنشى جىلى اق جاقسى ناتيجە بەردى. الدىن-الا قارجىلىق ەسەپشىلىك بويىنشا  نەگىزگى قىزمەتتەن تۇسكەن تابىس 2015 جىلمەن سالىستارعاندا (1 ملرد 843 ملن) 446 ملن تەڭگەگە ءوستى جانە 2 ملرد 289 ملن تەڭگەنى قۇرادى. باسقا قىزمەتتەن تۇسكەن تابىس 18،1 ميلليون تەڭگەگە ءوستى: 2015 جىلعى 24،7 ملن-نان 2016 جىلى 42،8 ملن-عا دەيىن. كومپانيانىڭ جالپى تابىستىلىعى 2015 جىلعى 138 885 مىڭ تەڭگە مولشەرىندەگى جالپى كىرىس كورسەتكىشىمەن سالىستىرعاندا 2016 جىلى 7،8 % (175 261 مىڭ تەڭگە) قۇرادى. باقىلاۋدىڭ ناتيجەسى كومپانيانىڭ قىزمەتتەردى از شىعىندارمەن كورسەتەتىندىگىن قورىتىندىلادى. ياعني، تابىس بولىگىنىڭ ءوسۋى 27 %، سونىمەن بىرگە 2015 جىلعى كورسەتكىشتەرمەن سالىستىرعاندا كورسەتىلەتىن قىزمەتتەردىڭ وزىندىك قۇنىنىڭ ءوسۋى 7 %  قۇرادى. كومپانيانىڭ 2016 جىلداعى جۇمىس ناتيجەسى 2015 جىلداعى 650 105 مىڭ تەڭگە سوماسىنداعى زيانمەن سالىستىرعاندا،  زياننىڭ  كولەمى  279 664 مىڭ تەڭگەگە دەيىن تومەندەتىلدى. ناتيجەگە باسقارۋشى كومپانيا  قىزمەتكەرلەرىنىڭ   جانە "باتىس سۋ ارناسى" ج ش س قىزمەتكەرلەرىنىڭ  جونگە سالىنعان  كاسىبي جۇمىسىنىڭ ارقاسىندا قول جەتكىزىلدى. 

«قازاق سۋارناجوبا» اق، سۋمەن جابدىقتاۋدى جوبالاۋ بويىنشا مامانداندىرىلعان ءپروفيلدى مەملەكەتتىك ينستيتۋتتىڭ قورىتىندىسى جانە الدىن-الا ەسەپتەۋلەر بويىنشا، ورال سۋ ارناسىن جاڭعىرتۋعا  شامامەن 84 ملرد تەڭگە قاجەت.

«سۋ رەسۋرستارى-ورال ماركەتينگ» ككج ج ش س ديرەكتورى اناتوليي پروكۋدين: «سۋمەن جابدىقتاۋ جانە سۋ تارتۋ جۇيەلەرىن جاڭعىرتۋ اياسىندا ەڭ ماڭىزدى قانداي جوبالاردى ىسكە اسىرامىز؟ جەلىلىەردى كۇردەلى جوندەۋدەن وتكىزۋ، تازارتقىش عيماراتتاردى قايتا قۇرۋ (70 جىلدارى سالىنعان قالالىق كوللەكتورلار)، سونىمەن قاتار دەمانگاناسيا جانە جاڭا سۇزگى ستانساسىن سالۋ. ۇيگە ورتاق ەسەپتەۋ اسپاپتارى جانە كوتەرگىش قوسالقى ستانسيالارىندا سۋدى ەسەپكە الۋ جۇيەسى اۆتوماتتاندىرىلادى.

ءبىز جەلىلەردىڭ كۇيىنە ساراپتاما جاسادىق، ارحيتەكتۋرا جانە قالا قۇرىلىسى قىزمەتى جونىندەگى زاڭناماعا سايكەس  جوبالىق قۇجاتتاما دايىنداپ جاتىرمىز، قارجى كوزىن انىقتايمىز. جينالىپ قالعان ماسەلەلەردى ءبىر مەزەتتە شەشۋگە بولمايدى. سوندىقتان ينۆەستيسيالىق باعدارلاما 2031 جىلعا دەيىن كەزەڭ-كەزەڭمەن جۇرگىزىلەدى» - دەپ ءتۇسىندىردى.

2016 جىلى «نۇرلى جول» باعدارلاماسى اياسىندا 1400 مەتردەن استام  سۋ قۇبىرلارىنا جانە ۇلكەن ديامەترلى كارىز جەلىسىنە قايتا قۇرۋ جۇمىستارى جۇرگىزىلدى. باعدارلاما اياسىندا بولىنەتىن اقشالاي قاراجات قايتارىلادى، ياعني، «باتىس سۋ ارناسى» ج ش س العان نەسيەسىن وتەۋى قاجەت. «كاراچاگاناك پەترولەۋم وپەرەيتينگ» قاراجاتى ەسەبىنەن ەۆرازيا كوشەسى بويىندا ۇزىندىعى 1400 مەتر وزدىگىنەن اعاتىن كاناليزاسيا كوللەكتورىنا، ەۆرازيا داڭعىلى بويىنداعى 2ء-شى بازادان دوستىق داڭعىلىنا دەيىنگى 3444 مەتر وزدىگىنەن اعاتىن كاناليزاسيا كوللەكتورىنا  قايتا قۇرۋ جۇمىستارى جۇرگىزىلدى.

«باتىس سۋ ارناسى» ج ش س سۋمەن قامتاماسىز ەتۋدى باقىلاۋ جانە ەسەپكە الۋ جۇيەلەرىن اۆتوماتتاندىرۋ جۇمىستارىن باستادى. كاسىپورىندا ەسەپكە الىنباعان شىعىندارمەن نەمەسە سۋ شىعىنىمەن كۇرەسەدى.  جۇزدەن استام ءۇيدى زاماناۋي ەسەپكە الۋ اسپاپتارىمەن جابدىقتايدى، وسىنداي اسپاپتاردى توراپتىق ستانسيالاردا دا ورناتادى.

تەحنيكا كوممۋنالدىق جەلىلەردەگى جۇكتەمەنى ەسەپتەۋگە، سۋدىڭ قىسىمىن بەلگىلى ءبىر دەڭگەيدە ۇستاعا مۇمكىندىك بەرەدى.

ماماندار – قازاقستان 2012 جىلدان باستاپ  سۋارنالارىن وتەۋسىز قارجىلاندىرۋدان اۋىتقي باستاعاندىعىن مالىمدەيدى. ءقازىر بۇل سالادا «نۇرلى جول» باعدارلماسى اياسىندا بيۋدجەتتىك قارجىلاندىرۋ جانە حالىقارالىق قارجى ۇيىمدارىنىڭ زاەمىن تارتۋ ارقىلى قايتارىمدى قارجىلاندىرۋ تەتىكتەرى جۇمىس ىستەيدى.

«باتىس سۋ ارناسى» ج ش س «سەنىمگەرلىك باسقارۋ كاسىپورىننىڭ دامۋى ءۇشىن جاڭا مۇمكىندىكتەر اشادى» – دەيدى. 

ءتيىمدى مەنەدجمەنت كومەگىمەن ورالداعى سۋارنا شىعىنسىزدىق نۇكتەسىنە شىعۋعا ءتيىس جانە ينۆەستيسيالىق تارتىمدى بولا الادى.

ايتا كەتەيىك، «باتىس سۋ ارناسى» ج ش س – 1961 جىلى سالىنىپ، پايدالانۋعا بەرىلگەن قالالىق سۋ جيناۋدىڭ قۇقىقتىق مۇراگەرى. ءقازىر ورلادى سۋمەن قامتاماسىز ەتۋ 2 كوزدەن جۇرگىزىلەدى: ورال وزەنىنەن جانە 29 جەر استى ۇڭعىمالارىنان. كاسىپورىن 429،7 كيلومەتر ماگيسترالدى سۋ قۇبىرىنا جانە 362،3 كم كارىز جەلىسىنە قىزمەت كورسەتەدى.

«سۋ رەسۋرستارى-ورال ماركەتينگ». باسقارما. كونسالتينگ. ينجينيرينگ».

«سۋ رەسۋرستارى-ماركەتينگ» ج ش س ككس فرانچايزينگ شارتى بويىنشا جۇمىس ىستەيتىن باسقارۋشى كومپانيا.

 كومپانيا ماماندارىنىڭ قازاقستاننىڭ باسقا قالالارىندا سۋ ارنالارىن باسقارۋ بويىنشا تاجىريبەسى مول جانە سۋمەن جابدىقتاۋ سالالارىنا حالىقارالىق قارجى ينستيتۋتتارىنان زاەمدار تارتۋ بويىنشا تاجىريبەسى  مول.