2017 جىلعى 5 ساۋىردەن باستاپ استانا قالاسىنداعى «قازمۇنايگاز»  جمقس-ىندا پيلوتتى رەجيمدە ەلەكتروندىق تالوندار جۇيەسى جۇمىسىن باستادى دەپ حابارلايدى قامشى اقپاراتتىق اگەنتتىگى «قازمۇنايگاز ونىمدەرى» ج ش س حالىقپەن بايلانىس جانە جارناما جونىندەگى قىزمەتىنە سىلتەمە جاساپ.

ەلەكتروندىق تالون – بۇل سيفرلىق قۇجات، كودىندا مۇناي ونىمدەرىنىڭ ءتۇرى (بەنزين، ديزەل وتىنى) مەن كولەمى، سونداي-اق ونىڭ جارامدىلىق مەرزىمى شيفرلانعان.

ەلەكتروندىق تالوندار جۇيەسى ساتىپ الۋشىعا مۇناي ونىمدەرىنە تولەم ەنگىزگەننەن كەيىن ەلەكتروندىق دەرەكتەر بازاسىندا ءاربىر ناقتى ساتىپ الۋشىعا بەرىلگەن بىرەگەي نومىرمەن (كودپەن) تالوندى الۋعا مۇمكىندىك بەرەدى، ساتىپ الۋشى ەلەكتروندىق تالوندى باسىپ شىعارىپ، «قازمۇنايگاز» جمقس-دا وتىننىڭ تاپسىرىلعان كولەمىن الادى. الداعى ۋاقىتتا جۇيە ۇيالى تەلەفوننان ەلەكتروندىق تالون كودىن وقىپ الۋدى قاراستىرادى.

 كليەنت جەكە كابينەتتە www.azskmg.kz سايتىندا وزدىگىنەن مۇنداي تالوندى جاساپ، وعان تولەم جاساي الادى. ياعني، كليەنت وتىننىڭ تولەم نىسانى رەتىندە ەلەكتروندىق تالوندى تاڭداپ، كەڭسە جۇمىسىن ەلەۋلى ۇنەمدەيدى – جەكە كابينەت ارقىلى تالونداردى اكتيۆتەندىرۋ جانە بۇعاتتاۋ، جارامدىلىق مەرزىمى مەن كولەمدى بەلگىلەۋ، سونداي-اق ونلاين رەجيمىندە باسقارۋشىلىق ەسەپتىلىكتى الۋى مۇمكىن. بۇل كليەنتكە كىم، قاي جەردە، قانشا جانە قانداي باعامەن وتىندى قۇيىپ العاندىعىن بىلۋىنە مۇمكىندىك بەرەدى.

«كومپانيا بارىنشا قولايلى سەرۆيستەردى قۇرا وتىرىپ، كليەنتتەردىڭ بارلىق قاجەتتىلىگىن ەسكەرۋگە ۇمتىلادى، - دەپ اتاپ ءوتتى «قازمۇنايگاز ونىمدەرى» ج ش س مۇناي ونىمدەرىن وتكىزۋ دەپارتامەنتىنىڭ ديرەكتورى يۋليا جەرناكوۆا. ونىڭ ايتۋىنشا، تالوندار جۇمىسىنىڭ ەرەكشەلىگى وتىن بەرۋدىڭ باسقا دا مەحانيزمىن پايدالانۋعا مۇمكىندىك بەرمەيتىن بىرنەشە مەملەكەتتىك جانە جەكە كومپانيالار ءۇشىن تالاپ ەتىلگەن قۇرال بولىپ قالادى. «جاڭا جۇيەنى ەنگىزۋ نەگىزگى كەمشىلىكتەردەن – جمقس-دا ساقتاۋ، تاراتۋ، ينكاسساسيالاۋ، قايتا ەسەپتەۋ، وتەۋ جانە تاعى باسقالارىن قولمەن وڭدەۋ ەڭبەگىنىڭ ۇلكەن كولەمىن بولدىرماۋعا مۇمكىندىك بەرە وتىرىپ، تالونداردىڭ باستى ارتىقشىلىقتارىن – ەسەپ پەن مولشەرلەۋدىڭ قاراپايىمدىلىعىن ساقتايدى، - دەپ اتاپ ءوتتى ول. – بۇگىن پيلوتتى جوبا اياسىندا زاڭدى تۇلعالار استانا قالاسىنداعى ساتۋ كەڭسەلەرىندە ەلەكتروندىق تالونداردى ساتىپ الا الادى. جەكە تۇلعالار كەز كەلگەن وڭىردە – جەكە كابينەت ارقىلى ساتىپ الا الادى. تالوندار بۇكىل قازاقستان بويىنشا «قازمۇنايگاز» جمقس قابىلدانادى».

2016 جىلدىڭ سوڭىندا «قازمۇنايگاز ونىمدەرى» ج ش س كليەنتتەرگە قىزمەت كورسەتۋ كەزىندە قاعاز تالونداردى پايدالانۋدان باس تارتاتىندىعىن جاريالادى. قازىرگى ۋاقىتتا «قازمۇنايگاز» جمقس جەلىسىندە وتىن كارتاسىنىڭ جۇيەسى قولدانىلادى، وتىن تولەمى ءۇشىن QR-كودىن پايدالانۋ بويىنشا پيلوتتى جوبا باستالدى، ەندى ەلەكتروندىق تالوندار جۇيەسىن ەنگىزۋ باستالىپ كەتتى.