ءۇندىستاندا مايمىلداردىڭ اراسىندا ءومىر سۇرگەن، سويلەي دە، جۇرە دە المايتىن 10-12 جاستاعى قىز تابىلدى، دەپ حابارلايدى قامشى اقپاراتتىق اگەنتتىگى
اسسوشيەيتەد پرەسس اگەنتتىگىنىڭ حابارالاۋىنشا، ءۇندىستاننىڭ سولتۇستىك ايماعىنان پوليسەيلەر ءالى كۇنگە دەيىن ەڭبەكتەيتىن 10-12 جاستاعى قىز تاۋىپ العان. ول ادامدارمەن تىلدەسە المايدى ەكەن، ءوز بەتىنشە تاماقتانا دا المايدى. ەسەسىنە، جان-جانۋارلارمەن ءتۇسىنىسۋ ءۇشىن ءارتۇرلى داۋىس شىعارادى. ءتىپتى، جۇرت ونى «ماۋگلي» دەپ اتاپ كەتكەن ەكەن.
ونى ەڭ ءبىرىنشى ورمان اعاش كەسۋشىلەرى بايقاپ قالعان ەكەن. ارتىنشا ينسپەكتور سۋرەش ياداۆ ونى كولىگىمەن قالاعا الىپ كەلگەن.
«سوڭعى ەكى ايدان بەرى قىز اۋرۋحانادا جاتىر. ول اۋرۋحانادا جانۋارلار سەكىلدى قوزعالىپ، تاماقتى قولدىڭ كومەگىنسىز جەدى. ەم-دوم شارالارىنان كەيىن ورنىنان تۇرىپ، ادام سەكىلدى جۇرە باستادى. وكىنىشكە وراي، ءالى سويلەي المايدى. ءبىراق ايتقاندارىڭىزدى ءتۇسىنىپ، كۇلىمسىرەيدى»، – دەيدى باس دارىگەر سينگح مىرزا.
ينسپەكتوردىڭ ايتۋىنشا، قىز ادامداردى كورگەندە قاتتى قورقادى ەكەن. وتباسى قىزدى ورمانعا تىم كىشكەنتاي كەزىندە تاستاپ كەتكەن سەكىلدى.
