زاڭگەر جانگەلدى سۇلەيمەنوۆ نازىك جاندىلاردىڭ جۇمىس ۋاقىتىن قىسقارتۋدى ۇسىندى دەپ حابارلايدى «قامشى» اقپاراتتىق اگەنتتىگى. زاڭگەر ءوزىنىڭ facebook پاراقشاسىندا «ايەلدەردى قورعايىق» اتاۋىمەن قازاقستاندىق ايەلدەردىڭ جۇمىس ساعاتىن قىسقارتۋدى ۇسىندى.

«قازاقستاندىق ايەلدەردىڭ  جۇمىس كۇنى 18 ساعاتتان تۇرادى. ونىڭ ىشىندە دەمالىس، مەرەكە جوق. ايەلدەر تاڭ اتپاستان وتباسىنا تاڭعى اس دايىندايدى. ودان كەيىن بالالارىن بالاباقشاعا، مەكتەپكە اپارادى. وسى ىستەردى اتقارعاننان كەيىن ساعات 9-دان 7-گە دەيىن جۇمىستا وتىرادى. ودان شىعا سالا ءۇي جيناۋ، كىر جۋۋ، بالالارىنىڭ وقۋىن قاداعالاۋ تاعىسىن تاعىلار. ابدەن شارشاعان ايەل تۇنگى 12-دە جاتىپ، تاڭعى 6-دا قايتا تۇرادى. بارلىعى قايتا باستالادى. ال دەمالىس كۇندەرى جۇمىس كۇندەرىنەن دە قيىن. ايەلدەردىڭ ءومىرىن جەڭىلدەتۋ ءۇشىن ولاردىڭ جۇمىس ساعاتىن 7 ساعاتقا قىسقارتۋدى ۇسىنامىن. ال جۇما كۇنى تۇسكە دەيىن عانا جۇمىس ىستەسىن. جۇمىس ۋاقىتى بىتكەندە ايەلگە قوسىمشا تاپسىرما بەرىپ،  جۇمىستا وتىرۋعا ماجبۇرلەۋگە تىيىم سالۋ قاجەت. مۇندايعا كوبىنە مەملەكەتتىك مەكەمەلەر بارادى. ايەلدى جۇمىس ۋاقىتى بىتكەننەن كەيىن دە جۇمىس ىستەۋگە ماجبۇرلەگەن باسشىلاردى ورنىنان بوساتۋ كەرەك. وسى بوس ۋاقىتتا ايەل بارلىعىمىزدان دەمالسىن» دەپ جازدى جانگەلدى سۇلەيمەنوۆ.