پەكين بيلىگى شپيوندار تۋرالى اقاپارات بەرگەن ازاماتتارعا 500 مىڭ يۋان (72،4 مىڭ دوللار) بەرەدى دەپ حابارلايدى «قامشى» اقپاراتتىق اگەنتتىگى ريا نوۆوستي-عا سىلتەمە جاساپ.

دۇيسەنبى كۇنى  قوعامدىق قاۋىپسىزدىك مينيسترلىگى شپيوندار تۋرالى ماڭىزدى مالىمەت بەرىپ، ەلدەگى شپيوندىق ارەكەتتەردى بولدىرماسا 500 مىڭ يۋان بەرەتىنىن حابارلادى. مينيسترلىكتىڭ حابارلاۋىنشا، شەتەلدىك بارلاۋ قىزمەتى، شپيوندار جانە باسقا دا جاۋگەرشىلىك كوز قاراستاعى ادامدار شەت مەملەكەتتەرمەن بايلانىستى ارتتىرعانىن پايدالانىپ، ساياساتقا ارالاسۋعا سەكىلدى ەلدىڭ اراسىنا ىرىتكى سالادى دەپ مالىمدەدى.

قىتايدا كەيبىر ادامدار ەل مۇددەسىن شەتەلدىك ارنايى بارلاۋ قىزمەتىنە ىڭعايلى جاعداي جاساۋى ءۇشىن ساتىپ كەتەتىن جاعدايلار بولادى. پەكين شەتەلدىك شپيونداردىڭ باستى نىسانىنان اينالعان.

مينيسترلىك جاريالاعان 12 بولىمنەن تۇراتىن قۇجاتتا جەتكىزىلىگەن اقپاراتتىڭ ماڭىزدىلىعىنا قاراي قانشا قارجى بەرىلەتىنى كورسەتىلگەن. شپيونداردىڭ ارەكەتىن بايقاعان ازاماتتار تەلەفون ارقىلى، حات جازىپ نەمەسە مەملەكەتتىك قاۋىپسىزدىك كوميتەتىنە كەلىپ حابارلاۋىنا بولادى. جۇڭگو بيلىگى جالعان اقپارات بەرگەن ادامداردى جازاعا تارتاتىنىن دا ەسكەرتەدى.