كاليفورنياداعى سان-بەرناردينو قالاسىنداعى مەكتەپتە اتىس بولدى. ناتيجەسىندە شابۋىل جاساعان ەر ادامنىڭ ايەلى - باستاۋىش سىنىپتىڭ ءمۇعالىمى جانە 8 جاستاعى وقۋشى اتىستا كوز جۇمدى دەپ حابارلايدى «قامشى» اقپاراتتىق اگەنتتىگى ينتەرفاكس-قا سىلتەمە جاساپ.
قالالىق پوليسيا باسشىسى دجاررودا بۋرگۋاننىڭ مالىمەتىنشە، 9 جاستاعى بالا جاراقاتتانعان. ءقازىر ونىڭ جاعدايى تۇراقتى.
بۋرگۋان اتىس جاساعان ەر ادامنىڭ ءاتى-جونى سەدريك اندرەسون ەكەنىن ايتادى. ول ريۆەرسايدىڭ تۋماسى بولۋى مۇمكىن. پوليسەيدىڭ ايتۋىنشا، اندەرسون ايەلىنە وق اتپاق بولعان. ولار سوڭعى ايدا ەكى بولەك تۇرعان ەكەن. 53 جاستاعى كارەن ەيلەن سميت باستاۋىش سىنىپتاعا پسيحوفيزيكالىق دامۋىندا اقاۋى بار بالالارعا ساباق بەرگەن.
شابۋىلداۋشى زاڭسىز قارۋ ۇستاعانى ءۇشىن، وتباسىنداعى زورلىق جانە ەسىرتكى ۇستاعانى ءۇشىن قىلمىستىق ىسكە تارتىلعان. ەر ادام ايەلىن ولتىرگەننەن كەيىن وزىنە قول جۇمسادى.
