ەستىمەگەن ەل دە كوپ. 6 جاسار قىزعا ۇيلەنگەن ەر ادام سوتتالدى. اۋعانستاندىق 60 جاستاعى مۇحاممەد كارىم ەسىمدى ەر ادام كىشكەنتاي قىزدى وزىنە سول قىزدىڭ اتا-اناسى سىيلىق رەتىندە ۇسىنعان ەكەن. بۇل تۋرالى «قامشى» اقپاراتتىق اگەنتتىگى جەرگىلىكتى باق-قا سىلتەمە جاساپ حابارلايدى.

«بۇل قىز – ونىڭ اتا-اناسىنىڭ ماعان بەرگەن سىيلىعى» دەيدى كارىم.

ەر ادامنىڭ ءوزى ءدىن قىزمەتكەرى بولىپ جۇمىس اتقارادى ەكەن. پوليسەي قىزمەتكەرلەرىنە بەرگەن مالىمەتىنشە قىزعا قولىنىڭ ۇشىن دا تيگىزبەگەن. سەبەبى، قىزدىڭ اتا-اناسىمەن سونداي كەلىسىمگە كەلگەن.

دارىگەر ناشفارين شيحابتىڭ ايتۋىنشا، بالادا فيزيكالىق تۇرعىدان دا، پسيحيكالىق تۇرعىدان دا ماسەلە تۋىنداماعان. تەك ءبۇلدىرشىن 60 جاستاعى ەر ادامنان قورقىپ قالعان دەيدى.

ءدىن قىزمەتكەرى 6 جاسار قىزعا 30-40 قوناقتىڭ جانە قىزدىڭ اتا-اناسىنىڭ قاتىسۋىمەن ۇيلەنگەنىن ايتادى. الايدا، پوليسەي قىزمەتكەرلەرىنىڭ مالىمەتىنشە، اتا-اناسى ول تويدا بولماعان. قىزدى 1 اي بۇرىن ۇرلاپ كەتكەن كورىنەدى. سونداي-اق، ۇرلاعان ادام مۇحاممەد كارىمگە قىزدى ساتىپ جىبەرگەن.

ارناي قۇقىق قورعاۋشىلار ءىستىڭ انىق-قانىعىنا كوز جەتكىزبەيىنشە ەشقانداي شەشىم شىعارمايتىندارىن ايتتى.