20 ساۋىردەن باستاپ «قازاقستان» ۇلتتىق تەلەارناسىندا «سۇيە بىلسەڭ...»  تەلەحيكاياسىنىڭ تۇساۋكەسەرى وتەدى دەپ حابارلايدى قامشى اقپاراتتىق اگەنتتىگى.

تەلەحيكايا بولاشاعىنان كوپ ءۇمىت كۇتتىرەتىن جاس فۋتبولشى جايىندا بولماق.  دامير مىقتى فۋتبولشى بولۋدى ارماندايدى. ءبىراق، ءدال  ەۋروپالىق كلۋبتىڭ جاتتىعۋ جيىنى الدىندا اياق استىنان جول اپاتىنا  ۇشىراپ، اياعىن سىندىرىپ الادى. دارىگەرلەر ەندى  وعان فۋتبولمەن اينالىسۋعا بولمايتىنىن كەسىپ ايتادى. بۇل  قايعىلى جاعدايدىڭ ورىن العانىنا، ول ءوزىنىڭ بۇرىنعى ءجۇرىپ جۇرگەن  قىزى دينارانى كىنالايدى.

دامير ءوز ءومىرىن فۋتبولسىز ەش ەلەستەتە المايدى، كوڭىل-كۇيى قۇلازىپ ۇلكەن كۇيزەلىسكە تۇسەدى. ول كۇش-جىگەرىن جيناپ، قانشا جەردەن بۇرىنعى قالپىنا تۇسكىسى كەلگەنىمەن، جاراقاتى سىر بەرەدى.

ءبىراز ۋاقىتتان سوڭ، ول سپورت كوللەدجىنە جاتتىقتىرۋشى بولىپ ورنالاسۋعا بەل بۋادى. ول جەردە دوستارىمەن قاتار دۇشپاندارى دا پايدا بولادى. ءبىراق ونىڭ باستى ماقساتى فۋتبولدان مىقتى كوماندا قۇرۋ. ءداميردىڭ تاعدىرى نە بولماق؟  ول ەڭ مىقتى كوماندا قۇرا الا ما؟

20 ساۋىردەن باستاپ، 21:45-تە «قازاقستان» ۇلتتىق تەلەارناسىنان  «سۇيە بىلسەڭ...»  تەلەحيكاياسىن جىبەرىپ الماڭىزدار!

باستى رولدەردى  جاندوس ايباسوۆ، قۋانىش كەرىمقۇلوۆ، گۇلناز جولانوۆا جانە كامشات جولدىبايەۆا سومدايدى.