ايەل جالعىز بولماۋى ءتيىس. ءبىراق قوعامدا جالعىزباستى انا دا، وڭ جاقتا وتىرعان قىز دا كوپ، - دەپ جازادى قامشى اقپاراتتىق اگەنتتىگى Massaget.kz-كە سىلتەمە جاساي وتىرىپ. قانداي قىزدار ءومىرىن جالعىزدىقتا وتكىزەدى؟

1. وتباسى بار ەركەكپەن ارالاساتىن ايەل. بىرەۋدىڭ باقىتسىزدىعىنان باقىت تابۋ مۇمكىن ەمەس. بىرەۋدى جىلاتىپ قۋانىش تابا المايسىڭ. سوندىقتان كوبىنە ءبىر وتباسىن ويرانداعان ايەلدەر سوڭىندا بالالارىن قۇشاقتاپ جالعىز قالىپ جاتادى. 

2. جۇمىسىنا بەرىلگەن ايەل. 25-50 جاس ارالىعىنداعى كەز كەلگەن قىز-كەلىنشەك وزىنەن 10 ەسە از تاباتىن ەركەككە تۇرمىسقا شىققىسى كەلمەيدى. جۇمىسىندا بەلگىلى ءبىر تابىسقا جەتكەن ايەل كولدەنەڭ كوك اتتىنى مەنسىنبەي، وزىنە تەڭ كورمەي، سوڭىندا جالعىز قالادى. 

3. بوس ۋاقىتى جوق ايەلدەر. ونداي ايەلدەر وتە كوپ. شىن مانىندە بوس ۋاقىتى جوق ولاردىڭ. جۇمىستان كەلەدى، ۇيدە ەكى بالاسى كۇتىپ وتىرادى، ءوزى اجىراسقان دەلىك. ولار ماحابباتىن جاڭادان ىزدەۋگە ۋاقىت تاپپايدى. ءسويتىپ ءجۇرىپ ۋاقىتىن وتكىزىپ الادى.

4. ەرتەگىدەگى حانشايىم. كەيبىر قىز-كەلىنشەكتەر وزدەرىن تىم جوعارى باعالايدى. بۇنداي قىزداردى اتا-انالارى كوبىنە قولدايدى، ويتكەنى، كەز كەلگەن اتا-انا بالاسىنىڭ جاقسى جەرگە بارعانىن قالايدى. "ماعان جەتكىڭ كەلسە، الدىمەن كۇرەس!" دەيدى ونداي قىز الدىنا كەلگەن جىگىتكە. 

5. ءوزىمشىل، ەگويست ايەل. ونداي ايەلدەر كوپ. ءوزىمشىل، قىزعانشاق ايەلدەر كۇندەردىڭ-كۇنىندە ەر ادامىن وزىنەن بەزدىرىپ جىبەرەدى. ويتكەنى ول قولىنداعىسىن ەشكىممەن بولىسكىسى كەلمەيدى. كوبىنە ءوزىمشىل ايەلدەر جالعىز قالعاندا باقىتتىراق ءومىر سۇرەدى. 

6. جۇرەگىندە جاراسى بار ايەل. بالا كەزىندە ەركەك اتاۋلىسىنان كوڭىلى قالعان قىزدار بولادى. وعان ماسكۇنەم، جاۋاپسىز اكە كىنالى. بۇنداي اكەنى كورگەن قىز وتە تاربيەلى بولىپ بويجەتكەنىمەن، تۇرمىس قۇرۋعا اسىقپايدى. "بارلىق ەركەك بىردەي" دەگەن ويمەن ءومىر سۇرەتىن قىزدار جىگىتكە سەنبەيدى، وزىنە جاقىنداتپايدى. 

ەگەر ءسىز جوعارىداعى تىزىمنەن ءوزىڭىزدى كورىپ وتىرساڭىز، ويلانىڭىز! ايەل وزگەرسە، الەم وزگەرەدى. جالعىزدىقتان قۇتىلۋدىڭ جالعىز جولى – وزگەرۋ.

شولۋشى: اسەل وتەشوۆا