«ادالە حايىر» گۋمانيتارلىق قورى لاڭكەستەر قولىنان ۇيىندىگە اينالعان سيريانىڭ داماسك پروۆينسياسى دۋما اۋدانىندا 600 ادامعا ارنالعان اۋىزاشار ۇيىمداستىردى، دەپ جازادى قامشى اقپاراتتىق اگەنتتىگى.
ايتا كەتسەك، دۋما تۇرعىندارى وسىمەن ءتورتىنشى جىل قاتارىنان سودىرلار مەن ۇكىمەتتىك اسكەر قاقتىعىسىنىڭ ورتاسىندا ءومىر ءسۇرىپ كەلەدى. اۋىزاشار داستارقانىنا جارتىلاي قيراعان دۋمانىڭ جۇزدەگەن تۇرعىنى جيىلدى. ال تاياۋدا وسىنداي كەشكىلىك اۋىزاشار 100-گە جۋىق جەتىم بالا مەن مۇقتاج جاندارعا جاسالدى.
اتالمىش قوردىڭ وكىلى مۋەيد ابۋ شادي دۋما اۋدانىندا ەكى كۇن قاتارىنان 600 ادامعا اۋىزاشار بەرىلگەنىن، وندا ەت تاعامدارى، كۇرىش، شىرىن جانە جەمىس-جيدەكتەر قويىلعانىن حابارلادى.
شولۋشى: گۇلىم جاقان
