ق ر ۇلتتىق بانكى ەكىنشى دەڭگەيلى بانكتەرمەن قايتارىمسىز دەپوزيتتەر ەنگىزۋ ماسەلەسىن قاراۋدا دەپ حابارلايدى قامشى اقپاراتتىق اگەنتتىگى  naryk.kz-كە سىلتەمە جاساپ.

دەپوزيتتىك بۇل ءتۇرىنىڭ ەرەكشەلىگى – جىلدىق ۇستەمەاقىسى كوپ، دەگەنمەن ونى ۋاقىتىنان بۇرىن شەشىپ الۋ مۇمكىندىگى جوق.

دانيار اقىشيەۆتىڭ مالىمەتىنشە، الەمدىك تاجىريبەدە قايتارىمزسىز دەپوزيتتەر بارىنشا ۇزاق مەرزىمگە جانە جوعارى پايىزدىق ۇستەمەمەن سالىنادى جانە ول دەپوزيتتى قورعاۋدىڭ قوسىمشا كەپىلدىكتەرى قامتاماسىز ەتىلەدى.

«بۇل ءوز كەزەگىندە بانكتەر ءۇشىن دە پايدالى. بەلگىلى ءبىر مەرزىمگە دەيىن الگى دەپوزيتتىك قايتا سۇرالمايتىنىن بىلگەن بانكتەر بۇل جاعدايدا بارىنشا تۇراقتى قورعا يە بولادى جانە وزگەلەرگە ۇزاقمەرزىمدى نەسيە بەرۋ مۇمكىندىگىن يەلەنەدى”، – دەدى اقىشيەۆ.

ونىڭ ايتۋىنشا، ءقازىر قازاقستاندا كەز كەلگەن بانكتەگى كەز كەلگەن دەپوزيتتى سالىمشى ۋاقىتىنان بۇرىن بارىپ شەشىپ الا الادى. ول ق ر ازاماتتىق كودەكسىندە قاراستىرىلعان. بانك ءوتىنىش بەرىلگەن كۇننەن ءۇش كۇن ىشىندە دەپوزيت قارجىسىن قايتارىپ بەرۋى ءتيىس.

سونىمەن قاتار باس بانكير قازاقستاندىق دەپوزيتتى كەپىلدەندىرۋ قورى جىلدىق دەپوزيت ۇستەمەسىنىڭ 14 پايىز دەڭگەيىندە وزگەرىسسىز قالدىرادى.

ايتا كەتەيىك، بۇگىن ۇلتتىق بانك ءتوراعاسى زەينەتاقى جيناعىن ۋاقىتىنان بۇرىن شەشىپ الۋ تۋرالى ايتقان ەدى.

شولۋشى: اسەم المۇحانبەت