ەشقاشان جەڭىلىپ كورمەگەن كاسىپقوي بوكسشى گەناديي گولوۆكين (37-0، 33 كو) MAXIM جۋرنالىنا بەرگەن سۇحباتىندا ءوزىنىڭ وتباسى، سۇيىكتى جارى، بوكستان دا باسقا قىزىعۋشىلىق تانىتانتىن سپورتى مەن الداعى ۋاقىتتا مەكسيكالىق بوكسشى ساۋل "كانەلو" الۆارەسپەن (49-1-1، 34 كو) وتەتىن جەكپە-جەكتەن كەيىنگى جوسپارلارى تۋرالى ءبولىستى. قامشى اقپاراتتىق اگەنتتىگى اتالمىش سۇحباتتى MAXIM جۋرنالىنا سىلتەمە جاساي وتىرىپ نازارلارىڭىزعا ۇسىنادى.
وسى ۋاقىتقا دەيىن وتكىزگەن جەك-جەكتەرىڭىزدىڭ ىشىندە ءسىز ءۇشىن قايسىسى قىزىقتى بولدى؟
- ۆاۋ! قىزىق سۇراق ەكەن. مەن ءۇشىن بارلىق جەكپە-جەك ماڭىزدى ءارى قيىن بولدى. ءاربىر كەزدەسۋدەن ۇيرەنەرىم كوپ. سولاردىڭ ىشىندە مىقتى قارسىلاس رەتىندە مەتتيۋ مەكلين، ماركو انتونيو رۋبيولاردى اتاي الامىن. سونداي-اق ءوزىمنىڭ سوڭعى جەكپە-جەگىم ەرەكشە ۇنادى. مەن مۇنى بوكستىڭ فاناتى رەتىندە ايتىپ وتىرمىن.
- كاسىپقوي بوكس الاڭىنداعى ەڭ مىقتى جەكپە-جەكتى اتاساڭىز؟
- حۋليو سەزار چاۆەس پەن مەلدريكا تەيلوردىڭ كەزەسۋى جانە ميكي ۋورد پەن ارتۋر گاتتيدىڭ جەكپە-جەگىن اتاي الامىن.
- كاسىپقوي بوكس تاريحىندا كىل مىقتىلارمەن كەزدەسۋ مۇمكىندىگىنە يە بولساڭىز كىمدەردى تاڭدار ەدىڭىز؟
- بۇل وتە قيىن سۇراق ەكەن. بالكىم، شۋگار رەي روبينسون، توممي حيرنس، مەنني پاكياو نەمەسە فلويد مەيۆەزەر. ال، مايك تايسونعا ءتىسىم باتپايتىن شىعار (كۇلىپ). ەگەر جوعارىدا اتاعان بوكسشىلاردىڭ ءبىرىن تاڭداۋ مۇمكىندىگى بولسا مەنىڭ نازارىم شۋگار رەيگە تۇسەر ەدى. سەبەبى، ونىڭ تەحنيكاسى، كوز ىلەسپەس جىلدامدىعى ءوزىن بيىكتەتىپ تۇرادى.
- بوكس الاڭىنان تىس قاشان توبەلەسكەنىڭىز ەسىڭىزدە مە؟
- ناعىز توبەلەس پە الدە جاي عانا سوققى ما؟ مەن وتە ءتارتىپتى بالامىن. بالكىم سوڭعى رەت ايەلىممەن توبەلەسكەن شىعارمىن. ول جەڭىسكە جەتتى (كۇلىپ). ال، ەندى شىندىعىنا كەلەر بولساق ەسەيگەن شاعىمدا دەرلىك كۇندە توبەلەس بولاتىن. قازاقستانداعى ءومىرىم جەڭىل بولمادى.
- كىم مىقتى؟ قازاقستاندىقتار ما الدە مەكسيكالىقتار ما؟
- ونىڭ ارا-جىگىن اجىراتۋ وتە قيىن، قاراپايىم ادامدار رەتىندە ءبىز بىر-بىرىمىزگە قاتتى ۇقسايمىز. ەكى ەلدىڭ بوكسشىلارى دا وسال ەمەس. قيىن سۇراق!
- ءسىزدىڭ ارمانىڭىزداعى كەزدەسۋ جانە ونى قالاي وتكىزەر ەدىڭىز؟
- ءسىز مەنى اجالىمنان بۇرىن ولتىرەيىن دەدىڭىز بە؟ مەن وتە اقىلدى جىگىتپىن. مەن ءوزىمنىڭ ءومىرىمدى جانە سۇيىكتى جارىمدى جاقسى كورەمىن. ءبىزدىڭ ۇيدە باستىق – مەنىڭ ايەلىم. سوندىقتان ونىڭ قالاعانى بولادى.
- گونارارىڭىزدى قانداي قىزىقتى نارسەگە جۇمسار ەدىڭىز؟
- ەگەر ءسىزدىڭ قولىڭىزدا قارجىڭىز جەتكىلكتى بولىپ، قايىرىمدىلىق جاساۋعا مۇمكىندىگىڭىز بولسا جارياعا جار سالماستان جاي عانا شىن كوڭىلمەن ىسكە كىرىسكەن ءجون. ال ماعان كەلەر بولساق، كوپ نارسەنى قالاۋشى ەدىم. سەبەبى، مەنىڭ ءومىرىم وتە قاراپايىم.
- بوكستان وزگە قانداي قىزىعۋشىلىعىڭىز بار؟
- مەن جۇمىستان بوس ۋاقىتىمدى وتباسىما، بالالارىما ارنايمىن. بىرگە كينو كورىپ، پاركتەردە سەرۋەندەۋدى ۇناتامىن. ارينە ءتۇرلى سپورت تۇرلەرىن، فۋتبول، حوككەي، تەننيستەردى دە تاماشالاۋعا بارامىز. ءتىپتى كەرلينگ سپورتىن دا باقىلاپ وتىرامىز. كەلەسى جىلى وليمپيادادا وسى سپورت تۇرىنەن ب ا ق سىناسام با دەپ ويلاپ وتىرمىن (كۇلىپ).
- ەگەر بوكسقا كەلمەسەڭىز كىم بولۋشى ەدىڭىز؟
- مەن بۇكىل ءومىرىمدى بوكسقا ارنادىم. ەگەر تاعدىر ماڭدايىما بوكسەر بولۋدى جازباعاندا، تەحنيكالىق ۋنيۆەرسيتەتكە ءتۇسۋشى مە ەدىم.
- مەيۆەزەر مەن كونور ماكگرەگوردىڭ جەكپە-جەگى جايلى نە ايتا الاسىز؟
- مەنىڭ «كونەلومەن» وتكىزەتىن كەزدەسۋىم ناعىز پروفەسسينولدى جەكپە-جەك. ال مەيۆەزەر مەن ماكگرەگوردىڭ كەزدەسۋى – شوۋ. فلويد - بوكسشى، ال ماكگرەگور – جوق. ماعان كلاسسيكالىق بوكس ۇنايدى، مىناداي شوۋ ەمەس.
- «كونەلومەن» كەزدەسۋدەن كەيىن نە ىستەيسىز؟
- ول تۋرالى ويلاعىم دا ايتقىم دا كەلمەيدى. سەبەبى، مەن ءوزىمدى 100 پايىز كەزەكتى جەكپە-جەككە دايىنداۋدامىن. بالكىم، ارمانىم بولعان كەرلينگكە باراتىن شىعارمىن.
ەستەرىڭىزگە سالا كەتەيىك، گولوۆكين مەن الۆاروستىڭ جەكپە-جەگى 16 قىركۇيەكتە لاس-ۆەگاستىڭ T-Mobile ارەناسىندا وتەدى. بۇل كەزدەسۋدە قازاقستاندىق كاسىپقوي بوكسشى ورتا سالماقتاعى الەم چەمتيونىنىڭ WBA (Super)، IBF ي IBO تيتۋلدارىن قوعايدى.
دايىنداعان: اقەركە مارات قىزى
