قازاقستاننىڭ دەپوزيتتەرگە كەپىلدىك بەرۋ قورىنىڭ ديرەكتورلار كەڭەسى جەكە تۇلعالاردىڭ دەپوزيتتەرى بويىنشا ۇسىنىلاتىن ەڭ جوعارى دەڭگەيدەگى سىياقى مولشەرلەمەسىن بەكىتتى دەپ حابارلايدى قامشى اقپاراتتىق اگەنتتىگى قازاقستاننىڭ دەپوزيتتەرگە كەپىلدىك بەرۋ قورىنىڭ باسپا ءسوز قىزمەتىنە سىلتەمە جاساپ. جاڭادان تىركەلگەن جەكە تۇلعالاردىڭ تەڭگە باعامىنداعى دەپوزيتتەرى بويىنشا سىياقى مولشەرى بۇرىڭعى دەڭگەيدە، ياعني 14% كولەمىندە ساقتالادى. سونداي-اق، قدكبق ديرەكتورلار كەڭەسى 2017 جىلدىڭ 1 شىلدەسىنەن باستاپ شەتەل ۆاليۋتاسىنداعى دەپوزيتتەردىڭ ۇسىنىلعان ەڭ جوعارى دەڭگەيدەگى مولشەرلەمەسىن 1،5% دەيىن تومەندەتۋ تۋرالى شەشىم قابىلدادى.

2017 جىلدىڭ 1 قاڭتارىنان باستاپ قدكبق ۇسىنعان ەڭ جوعارى دەڭگەيدەگى مولشەرلەمەسى شارتتى ەمەس ناتيجەلى مولشەرلەمەلەرگە قاتىستى ەكەنىن ەسكە سالامىز. قدكبق بانكتىك سالىمداردى، اعىمداعى شوتتاعى قالدىق اقشاعا جانە تولەم كارتالارىنا سىياقى مولشەرىنىڭ كولەمىنە قاراماستان كەپىلدىك بەرەتىندىگىن بانك سالىمشىلارىنىڭ نازارىن اۋدارتادى.

قازاقستاننىڭ دەپوزيتتەرگە كەپىلدىك بەرۋ قورى (كدكبق) – ەكىنشى دەڭگەيدەگى بانكتەر سالىمشىلارىنىڭ قۇقىقتارى مەن زاڭدى مۇددەلەرىن قورعاۋ ءۇشىن 1999 جىلى قۇرىلعان قازاقستان رەسپۋبليكاسىنىڭ ۇلتتىق بانكىنىڭ ۇيىمى.

قدكبق جەكە تۇلعالاردىڭ جانە جەكە كاسىپكەرلەردىڭ بارلىق دەپوزيت تۇرلەرىنە كەپىلدىك بولادى، كەپىلدىك بەرىلگەن وتەمنىڭ ەڭ جوعارعى سوماسى قۇرايدى:

ۇلتتىق ۆاليۋتاداعى سالىمدارى جانە بانك شوتتارى بويىنشا – 10 ميلليون تەڭگەگە دەيىن،

شەتەل ۆاليۋتاسىنداعى سالىمدار جانە بانك شوتتارى بويىنشا – 5 ميلليون تەڭگەگە دەيىن.

سالىمشىلار قىزمەتكەرلەردەن اقىل-كەڭەستى 8 8000 80 10 20 تەلەفونى بويىنشا الۋىنا بولادى. 

شولۋشى: اسەم المۇحانبەت