اقش پرەزيدەنتى دونالد ترامپ قاسيەتتى ورازا ايت مەيرامىنا وراي جيىرما جىلدان بەرى اق ۇيدە بەرىلىپ كەلە جاتقان سالتاناتتى قوناقاسىن جوسپاردان سىزىپ تاستادى، دەپ جازادى قامشى اقپاراتتىق اگەنتتىگىت muslim.kz سايتىنا سىلتەمە جاساپ.
ايتا كەتەيىك، ايت مەيرامىنا وراي جايىلاتىن سالتاناتتى داستارحان سوناۋ 1996 جىلدان بەرى ۇيىمداستىرىلىپ كەلە جاتقان بولاتىن.
سايلاۋ الدىنداعى حالىققا بەرگەن ۋادەسىندە دونالد ترامپ ورازا ايت مەيرامىن تويلاۋدىڭ ەشقانداي ەرسىلىگى جوق ەكەنىن ايتقان بولاتىن. دەگەنمەن، اقش پرەزيدەنتتىگىنە سايلانىسىمەن ترامپتىڭ مۇسىلماندار قۇقىعىنا قارسى بىرنەشە بۇيرىق شىعارىپ ۇلگەرگەنى بەلگىلى.
اتاپ ايتقاندا، دونالد ترامپ بۇيرىعى بويىنشا بىرنەشە مۇسىلمان مەملەكەتىنىڭ ازاماتتارىنا اقش اۋماعىنا كىرۋىنە تىيىم سالىندى. سونداي-اق، اقش مەملەكەتتىك دەپارتامەنتىندە بىرنەشە جىل بويى ۇزبەي وتكىزىلىپ كەلە جاتقان اۋىزاشار داستارحانى دا بيىل جايىلمادى. بۇل جايىندا اقش مەمحاتشىسى رەكس تيللەرسون ءمالىم ەتتى.
