گوللانديانىڭ امستەردام قالاسى ماڭىندا مەتەوريت تابىلدى. اسپاننان قۇلاپ تۇسكەن تاس اۋلاداعى سارايدىڭ شاتىرىن تەسىپ وتكەن. وقيعادان ەشكىم زارداپ شەككەن جوق. بۇل تۋرالى 24.kz حابارلايدى. عالىمدار ول مارس پەن يۋپيتەر اراسىنداعى مەتەوريتتەر بەلدەۋىنەن ۇشىپ كەلگەن دەپ سانايدى. وسىنداي مەتەوريتتەر ەل اۋماعىنا ءار 3-4 جىل سايىن قۇلايدى ەكەن، ءبىراق ولاردى تابۋ قيىن. بۇل – سوڭعى ەكى عاسىردا گوللانديادا تابىلعان التىنشى مەتەوريت. مامانداردىڭ ايتۋىنشا، اتالمىش تاستى زەرتتەۋ كۇن جۇيەسىنىڭ پايدا بولۋى تۋرالى ءبىلىمىمىزدى كەڭەيتەدى.

گەولوگ لەو كريگسمان بىلاي دەدى: - مەتەوريتكە قاراساڭىز، وندا وليۆيننىڭ شاعىن تامشىلارىن كورەسىز. وسى مينەرال كۇن جۇيەسى پايدا بولعاندا قۇرىلعان. وسىلايشا مەتەوريت كۇن جۇيەسىنىڭ العاشقى كۇندەرىنىڭ سىرىن اشىپ بەرە الادى. ەڭ عاجايىبى، 4،5 ملرد جىل بۇرىن پايدا بولعان تاستى قورادان تاۋىپ، قولدا ۇستاپ تۇرمىز.