«قازپوشتا» اق مەن «تۇرعىن ءۇي قۇرىلىس جيناق بانكى» اق ورتاق كەلىسىمگە كەلدى. ەندى قالادان الىس ورنالاسقان اۋىل تۇرعىندارىنا ديپوزيت اشۋ ءۇشىن «تۇرعىن ءۇي قۇرىلىس جيناق بانكىنە» ارنايى بارۋدىڭ قاجەتى جوق. بانك سالىمشىلارى تۇرعىن ءۇي جيناقتاماسىن پوشتا بايلانىسى ارقىلى جۇرگىزە الادى.

ول ءۇشىن جەرگىلىكتى قازپوشتا بولىمشەسىنە جەكە كۋالىكپەن بارىپ، ءوز ەسىپ-شوتىنا 15 000 مىڭ تەڭگە سالسا بولعانى. دەپوزيت اشۋ پايىزسىز، تەگىن. بانك سالىمدارى مەن تولەمدەرى دە اقىسىز. بۇگىندە قازاقستاندا قازپوشتانىڭ 800-دەن استام بولىمشەلەرى جۇمىس ىستەيدى. ونىڭ 62% ءىرى قالالاردا، 38% ايماقتاردا ورنالاسقان. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا «قازپوشتا» اق قارجى قىزمەتتەر جونىندەگى باسقارۋشى ديرەكتور اينۇر كۇنقوجايەۆا مالىمدەدى.

-رەسپۋبليكا بويىنشا «تۇرعىن ءۇي قۇرىلىس جيناق بانكى» اق 17 فيليالى مەن 15 قىزمەت كورسەتۋ ورتالىعى جانە 150 كەڭەس بەرۋ ورتالىعى جۇمىس ىستەيدى. ال، ەلىمىزدە ەڭ كوپ فيليال جەلىسى بار قازپوشتا ارقىلى بۇل مۇمكىندىكتەر ارتا ءتۇستى. بۇل جوبا بانك قىزمەتتەرىنىڭ قولجەتىمدىلىگىن كورسەتۋمەن قاتار، پوشتالىق وپەراتورلار ارقىلى مەملەكەتتىك تۇرعىن ءۇي باعدارلامالارى تۋرالى كوبىرەك اقپاراتتاندىرۋ دەگەن ءسوز»، - دەيدى «قازاقستاننىڭ تۇرعىن ءۇي قۇرىلىس جيناق بانكى» اق باسقارماسى ءتورايىمىنىڭ ورىنباسارى  جانار جۇبانيازوۆا.

بۇگىنگى تاڭدا «تۇرعىن ءۇي قۇرىلىس جيناق بانكى» اق 950 مىڭ جيناقتاۋشى ەسەپ-شوتى اشىلىپ، 460 ملرد تەنگە سالىم جۇرگىزىلگەنىن اتاپ ءوتتى. جوبانىڭ تاعى ءبىر جاڭالىعى – بانك وپەراسيالارى تەگىن جۇرگىزىلەدى. وعان دەيىن 1% قۇراعان ەدى. بۇل تاراپتار اراسىنداعى كەلىسىم ناتيجەسىندە قول جەتكىزىلگەن جاعىمدى جاڭالىقتار.  

«تۇرعىن ءۇي قۇرىلىس جيناق بانكى» اق 13 مىڭعا جۋىق ءۇي تۇرعىزادى

«بايتەرەك» ۇلتتىق حولدينگى مەن «تۇرعىن ءۇي قۇرىلىس جيناق بانكى» اق  بىرلەسىپ «نۇرلى جەر» مەملەكەتتىك باعدارلاماسىنىڭ دامۋىنا ۇلەس قوسادى.

- «تۇرعىن ءۇي قۇرىلىس جيناق بانكى» اق 2016 جىلى ەلباسى جارلىعىمەن شىققان  «نۇرلى جەر» مەملەكەتتىك باعدارلاماسىنىڭ نەگىزگى ورىنداۋشىلارى بوىپ كەلەدى. رەسپۋبليكا بويىنشا اتالعان باعدارلاما اياسىندا كوپقاباتتى جانە جەكەمەنشىك ۇيلەردىڭ قۇرىلىسى جوسپارلانىپ وتىر،- دەپ مالىمدەدى «قازاقستاننىڭ تۇرعىن ءۇي قۇرىلىس جيناق بانكى» اق باسقارماسى ءتورايىمىنىڭ ورىنباسارى  جانار جۇبانيازوۆا ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسيا بارىسىندا.

جانار جۇبانيازوۆانىڭ ايتۋىنشا،  «نۇرلى جەر» باعدارلاماسى بويىنشا جالپى اۋدانى 860 مىڭ شارشى مەتر 13 مىڭ پاتەر سالىنۋ جوسپاردا بار. وعان دەيىن سالىمشى ءۇشىن ءۇي قۇنىنىڭ 50% جيناۋ شارت بولسا، «نۇرلى جەر» باعدارلاماسى اياسىندا 30% جيناۋ جەتكىلىكتى. قالعان 20% باعدارلامانىڭ ينتەگرسياسىنا تيەسىلى. 

«قازاقستاننىڭ تۇرعىن ءۇي قۇرىلىس جيناق بانكى» اق

جاڭا تەحنولوگيالار جۇيەسىن ەنگىزدى

«قازاقستاننىڭ تۇرعىن ءۇي قۇرىلىس جيناق بانكى» اق كليەنتتەرىنە قىزمەت كورسەتۋدەگى جاڭا تەحنولوگيالاردىڭ ەنگىزىلگەنىن حابارلايدى. بيىل مامىر ايىنان باستاپ QR–كود ارقىلى تولەم جۇرگىزۋ ىسكە قوسىلدى. سالىمشىلار ءۇشىن سمارتفون ارقىلى دەپوزيت تولىقتىرۋ مۇمكىندىكتەرى دە اشىلدى. ناتيجەسىندە كليەنتتەرمەن جۇمىستىڭ ساپاسى ارتىپ، ۋاقىت ۇنەمدەلگەن.  

2016 جىلى «قازاقستاننىڭ تۇرعىن ءۇي قۇرىلىس جيناق بانكى» اق «جسسب 24» جۇيەسىن ەنگىزگەن بولاتىن. حقو-دان  كليەنتتىڭ تولەم قابىلەتىن راستايتىن انىقتاماسىز نەسيە راسىمدەۋ مۇمكىندىگى بولدى. جاڭا جۇيە ارقىلى كليەنت ءوزىنىڭ ەسەپ-شوتىنداعى سوماسى مەن سىياقى مولشەرىن تەكسەرىپ، كوميسسياسىز نەسيە تولەمدەرى جۇرگىزىلگەن. ينتەرنەت-بانكينگتىڭ قىزمەتىن پايدالاناتىن بانك كليەنتتەرىنىڭ سانى 200 مىڭ. ونىڭ 47 مىڭى مەملەكەتتىك باعدارلامالاردا ديستانسيوندى تۇردە قاتىسقان.

«كەڭەسشىنىڭ الەۋمەتتىك جەلىسى» جوباسى ارقىلى 110 مىڭ سالىمشى تىركەلگەن.  باعدارلاماعا سايكەس، دەپوزيتتى ۇيدە نەمەسە كەز كەلگەن ورىندا اشۋعا بولادى. ول ءۇشىن بانك كونسۋلتانتى ينتەرنەتكە قوسىلعان پلانشەتپەن كەلىپ تىركەيدى. جاڭا تەحنولوگيالار بانك پەن كليەنتتىڭ اراسىنداعى جۇمىستىڭ جايلىلىعىن قامتاماسىز ەتەدى، - دەيدى «قازاقستاننىڭ تۇرعىن ءۇي قۇرىلىس جيناق بانكى» اق باسقارماسى ءتورايىمىنىڭ ورىنباسارى  جانار جۇبانيازوۆا.