Facebook تابىسى تومەن 150 وتباسىنا پاتەر سالىپ بەرمەك دەپ حابارلايدى قامشى اقپاراتتىق اگەنتتىگى stan.kz-كە سىلتەمە جاساي وتىرىپ. ول تانىمال الەۋمەتتىك جەلىنىڭ شتاب-پاتەرىنىڭ ماڭىندا ورنالاسپاق. ماسەلە فەيسبۋك كومپانياسى شتاب-پاتەرىنىڭ دامۋ جوسپارى تانىستىرىلعان كەزدە تۋىندادى.

ونى كومپانيا اكىمشىلىگى مەنلو-پارك قالاسى اكىمىشىلىگىنە ۇسىنعان ەدى. كومپانيا جاڭا تۇرعىزىلاتىن كورپۋسقا 6 500 ادامدى جۇمىسقا الۋ ماقساتىن قويعان ەكەن.

الايدا قالا تۇرعىندارى اكىمشىلىكتىڭ قۇرىلىس جۇمىستارىنا رۇقسات بەرۋىنە قارسى شىعىپ وتىر. ولاردىڭ پىكىرىنشە، شاعىن قالادا قوسىمشا 1 500 پاتەرلى تۇرعىن ءۇي سالۋ ونسىز دا باسپاناسىزدار كوپ قالا تۇرعىندارىن اشىندىرىپ الۋى مۇمكىن.

بۇعان جاۋاپ رەتىندە Facebook كومپانياسى تۇرعىزىلار كوپپاتەرلى ۇيلەردىڭ 15 پايىزىن تابىسى تومەن وتباسىلارعا ۇلەستىرىپ بەرۋ جايىن ۇسىندى. بۇعان قوسا قالا ينفراقۇرىلىمىنا ينۆەستيسيا تارتىپ بەرەمىز دەپ وتىر. كومپانيانىڭ بۇل ۇسىنىسىنان قالا بيلىگى باس تارتا الماي، قابىلداعان كورىنەدى.