ەلوردادا 11 شىلدە كۇنى ساعات 10.00.-دەن 20.00.-گە دەيىن جوسپارلى جوندەۋ جۇمىستارىن وتكىزۋگە بايلانىستى اۋىز سۋ بەرۋ ۋاقىتشا توقتاتىلادى، دەپ حابارلاندى اكىمدىكتىڭ رەسمي سايتى. كۇيشى دينا 23، 23/1،23/2، 25،25/1،25/2، 26، 28، 28/1 كوشەسى بويىنشا ورنالاسقان ءتۇرعىن-ۇي نىساندارىندا اۋىز سۋ بەرۋ ۋاقىتشا توقتاتىلادى. سونداي-اق ادام تۇرمايتىن نىسانداردا دا اۋىز سۋدىڭ بەرىلۋى توقتاتىلادى.

اتاپ ايتقاندا سۆياتو-ۋسپەنسكيي كافەدرالدى شىركەۋى (كۇيشى دينا، 27)، كۇيشى دينا، 24 كوشەسى بويىنشا ورنالاسقان «تويباستار» بانكەت زالى جانە كۇيشى دينا 23/3 كوشەسىندەگى نىساندار اۋىز سۋدان اجىراتىلادى. ونىمەن بىرگە سول ۋاقىتتا پەتروۆ كوشەسى 16، 16/1،16/2 بويىنشا تۇرعىن-ۇيلەر اۋىز سۋدان اجىراتىلادى. «التاي» ساۋدا ءۇيى دە ۋاقىتشا اۋىز سۋسىز قالادى.

شولۋشى: اسەل بولات قىزى