كوكشەتاۋدا قوپا كولىنە باتىپ ولمەك بولعان كەلىنشەك قۇتقارىلدى، دەپ حابارلايدى قامشى اقپاراتتىق اگەنتتىگى قازاقپاراتقا سىلتەمە جاساي وتىرىپ. تجد باسپا ءسوز قىزمەتىنىڭ مالىمەتى بويىنشا، كەلەڭسىز جاعداي اعىمداعى جىلدىڭ 6 ماۋسىمىندا بولعان.
وسى كۇنى باقىلاۋ مۇناراسىندا كەزەكشىلىكتە تۇرعان كوكشەتاۋ قالالىق قۇتقارۋ بولىمشەسىنىڭ قىزمەتكەرى ف.گابايدۋلين جاعادان 300 مەتر قاشىقتىقتا سۋ باتىپ بارا جاتقان ايەلدى بايقاپ قالادى. "وقيعا ورنىنا دەرەۋ جەتكەن قۇتقارۋشىلار بەلىنە دەيىن سۋعا كىرىپ كەتكەن ايەلدىڭ باتىپ ولمەك بولعانىنا كوز جەتكىزەدى. ايەلدىڭ ۇستىندە كيىمى، قولىندا سومكەسى بولعان. سول ساتتە قۇتقارۋشىلاردىڭ ءبىرى ايەلدىڭ كوڭىلىن اۋلاپ تۇرعاندا ەكىنشىسى شاپ بەرىپ ۇستاپ جاعاعا الىپ شىقتى. كەيىن مەديسينالىق كومەك كورسەتىلگەننەن سوڭ كەلىنشەك پوليسياعا تاپسىرىلدى"، دەلىنگەن حابارلامادا.
شولۋشى: اسەل بولا قىزى
