يليا پيانزين ەسىمدى قازاقستان تۋماسى 2013 جىلى سول ۋاقىتتاعى رەسەي پرەمەر-مينيسترى ۆلاديمير پۋتينگە شابۋىل جاساماقشى بولعان. ەندى ول راقىمشىلىق سۇراپ وتىر دەپ حابارلايدى قامشى اقپاراتتىق اگەنتتىگى كوممەرسانت گازەتىنە سىلتەمە جاساپ. يليا پيانزين ءوزىنىڭ سول كەزدەگى ماقساتى اقىماقتىق بولعانىن جانە دالەلدەنبەگەن قىلمىس ەكەنىن ايتقان.
2012 جىلدىڭ قاڭتار ايىندا ءۇش ادامنان قۇرالعان ەكسترەميستىك توپتى پوليسيا جولىن كەسكەن. ولار – شەشەنستان تۋماسى وسمايەۆ، رۋسلان مادايەۆ جانە قازاقستان تۋماسى يلي پيانزين. اتى اتالعان ءۇش ەر ادام ودەسساداعى پاتەرلەردىڭ بىرىندە شابۋىلعا بومبا دايىنداعان. ول كەزدەيسوق ىسكە قوسىلعان. مادايەۆ سول جەردە كوز جۇمدى. ال ءبىرىنشى بولىپ ۇستالعان پيانزين ۋكراينانىڭ قاۋىپسىزدىك قىزمەتىنە سىبايلاستارىمەن بىرگە پۋتينگە جانە شەشەنستان پرەزيدەنتى رامزان قادىروۆقا شابۋىلداۋ ءۇشىن جارىلعىش زات جاساعانىن ايتقان.
كوممەرسانت باسىلىمىنىڭ جازۋىنشا، قۇجات سامارقاند وبلىسى گۋبەرناتورى جانىنداعى راقىمشىلىق جاساۋ ماسەلەلەرى بويىنشا كوميسسياعا بەرىلدى.
شولۋشى: اسەم المۇحانبەت
