ازاماتتار ەركىندىگى امەريكالىق وداعى (ACLU) اتالاتىن قۇقىققورعاۋ ورگانى اقش پرەزيدەنتى دونالد ترامپتى، ۆيسە-پرەزيدەنت مايك پەنستى جانە ءادىل سايلاۋ كوميسسياسىن سوتقا بەردى، دەپ جازادى قامشى اقپارات اگەنتتىگى. ۇيىمنىڭ باسپا ءسوز قىزمەتى ءمالىم ەتكەندەي، زاڭنامانىڭ بۇزىلۋى مەن كوميسسيا جۇمىسىنىڭ دۇرىس اتقارىلماعانى باستى سەبەپ بولعان.

ترامپ سايلاۋدان كەيىن پروسەستىڭ الاياقتىققا تولى وتكەنىن مالىمدەپ، تەرگەۋ جۇمىستارىن جۇرگىزۋگە ۋادە بەرگەن ەكەن. الايدا ءوز سوزىندە تۇرماعان. سونداي-اق، ترامپ ونىڭ سايلاۋداعى قارسىلاسى حيللاري كلينتونعا داۋىس بەرگەندەردىڭ كوبىن يممينرانتتار دەپ،  ولاردى «ءولى جاندارعا» بالادى.

«ايىپتالۋشىلار ەكى جاقتى فەدەرالدىق كونسۋلتاتيۆتىك كوميتەتىنىڭ اكتىسىن بۇزعان»، - دەلىنگەن مالىمدەمەدە. «پەنس پەن كوباچتىڭ (كريس كوميسسياسىنىڭ ورىنباسارلارى) كوميسسياسى جابىق تۇردە العاشقى جينالىستارىن وتكىزدى».

ACLU كوميسسيادان فەدەرالدىق كونسۋلتاتيۆتىك كوميتەتىنىڭ اكتىسىن بۇزعانى جونىندە مويىنداۋدى تالاپ ەتەدى، سونداي-اق بولاشاقتا قاتاڭ باقىلاۋعا الىنۋىن كوزدەيدى. 

شولۋشى: گۇلىم جاقان