كەزدەسۋدە مەملەكەت باسشىسىنا ۇلتتىق بانكتىڭ ەلىمىزدىڭ قارجى سەكتورىن ىلگەرىلەتۋ جونىندەگى جۇمىستارىنىڭ قورىتىندىسى تۋرالى ەسەپ بەرىلدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
قازاقستان پرەزيدەنتى ءقازىر ۇلتتىق ۆاليۋتانىڭ ەركىن ايىرباس باعامى ساياساتىنىڭ جۇرگىزىلىپ جاتقانىن ايتىپ، ۇلتتىق بانكتىڭ ينفلياسيا وسىمىنە جول بەرمەۋ جونىندەگى مىندەتىن ەرەكشە اتاپ ءوتتى.
سونىمەن قاتار، د.اقىشيەۆ نۇرسۇلتان نازاربايەۆقا ۆاليۋتا جانە قارجى نارىعىنداعى قازىرگى احۋال تۋرالى باياندادى: جالپى، احۋال تۇراقتى. ءقازىر تامىز ايىنىڭ باسىندا ىشكى جانە سىرتقى سيپاتتاعى جەكەلەگەن فاكتورلار اسەرىنەن بولعان اۋىتقۋلاردان كەيىن ايىرباس باعامى تۇراقتاندى. الاڭداۋعا ەش نەگىز جوق.
ەلباسى كەزدەسۋ سوڭىندا ءبىرقاتار ناقتى تاپسىرما بەردى.
