ق ر اسكەري پروكۋراتۋراسى شەكارادان زاڭسىز وتپەك بولعاندار مەن شەكاراشىلاردىڭ اراسىندا بولعان جاعداي تۋرالى جاڭا دەرەكتەر ايتتى دەپ حابارلايدى Qamshy.kz اقپارات اگەنتتىگى.

پروكۋراتۋرانىڭ بەرگەن مالىمەتىنە ساي، 2017 جىلدىڭ 12 تامىزىندا ساعات 19.56-دا «جاسوركەن» شەكارا بەكەتىندە 2035 اسكەري بولىمشەسىندە 2 سارباز (پ.ا.ەرگەش پەن ا.گ.ءبورىباي) قازاقستان مەن قىرعىزستان شەكاراسىنداعى بوگەتتى بەلگىسىز 20 ادام قىرعىزستاننان جىلقىلاردى كىرگىزۋ ماقساتىندا بۇزعانىن بايقاعان.

شەكاراشى ەرگەش «توقتا!» دەپ ايقايلاعاننان كەيىن، بەلگىسىز ادامدار شەكاراشىلاردى تاسپەن اتا باستاعان.

وسىدان كەيىن ەرگەش اك-74 قارۋىمەن ەسكەرتۋ رەتىندە ءبىر رەت اۋاعا اتقان. الايدا شەكارادان زاڭسىز وتپەك بولعاندار شەكاراشىلاردى تاسپەن اتۋىن توقتاتپاعان. سونىڭ ناتيجەسىندە ەكى سارباز باسىنان جاراقات العان. وسىعان بايلانىستى، ەرگەش 2 مارتە تاس اتۋشىلارعا قاراتا وق اتتى. ونىڭ ءبىرى – زاڭ بۇزۋشىلاردىڭ باسىنا تيگەن. ول – ە.د.امىرتايەۆ ەسىمدى جامبىل وبلىسى جامبىل اۋدانى جاسوركەن اۋىلىنىڭ تۇرعىنى ەكەنى انىقتالدى.

پروكۋراتۋرا وكىلدەرى بولعان جاعدايدى تولىق تەكسەرۋ ءۇشىن اسكەري قىزمەتكەرلەر مەن شەكارادان زاڭسىز وتپەك بولعاندارعا قاتىستى سوتقا دەيىنگى تەكسەرۋ جۇمىستارى جۇرگىزىلىپ جاتقانىن حابارلادى. شەكاراشىلارعا قاتىستى زاڭسىز ارەكەتكە بارعاندارعا قاتىستى ق ر قك 380 بابى 2 ءبولىمى بويىنشا ءىس قوزعالدى. قارۋ قولدانعان شەكارا قىزمەتكەرلەرىنە دە ق ر قك 451 بابى 2 پۋنكتى 1 ءبولىمى بويىنشا ءىس قوزعالدى.