اتىراۋ وبلىسىنىڭ اكىمى وبلىس اكتيۆىنە كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسىن تانىستىردى. وبلىس اكىمىنىڭ وكىمىمەن بۇل لاۋازىمعا ەلەۋسىزوۆ ايقىن قىلىش ۇلى تاعايىندالدى دەپ حابارلايدى Qamshy.kz اقپارات اگەنتتىگى اتىراۋ اكىمدىگىنىڭ باسپا ءسوز قىزمەتىنە سىلتەمە جاساپ.
ەلەۋسىزوۆ ايقىن قىلىش ۇلى 28 قاڭتار 1986 جىلى دۇنيەگە كەلگەن. ءبىلىمى – جوعارى، قازاق گۋمانيتارلىق زاڭ ۋنيۆەرسيتەتىن قارجىگەر ماماندىعى بويىنشا ءبىتىرىپ، قازاق قاتىناس جولدارى ۋنيۆەرسيتەتىنەن ەكونوميكا عىلىمدارىنىڭ ماگيسترى اتاعىن العان.
ەڭبەك جولىن قازاقستان رەسپۋبليكاسىنىڭ قارجى مينيسترلىگى قازىناشىلىق كوميتەتىنىڭ استانا قالاسى بويىنشا قازىناشىلىق دەپارتامەنتىندە مەملەكەتتىك ورگاندارمەن جۇمىس جاساۋ ءبولىمىنىڭ باس مامانى قىزمەتىنەن باستاعان.
2009-2013 جىلدارى قازاقستان رەسپۋبليكاسىنىڭ كولىك جانە كوممۋنيكاسيا مينيسترلىگى حالىقارالىق ىنتىماقتاستىق جانە ترانزيتتىك ساياسات دەپارتامەنتى ترانزيتتىك ساياسات باسقارماسىندا باس ساراپشى، 2014-2016 جىلدارى قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى ەكونوميكالىق ينتەگراسيا دەپارتامەنتى كولىك جانە ينفراقۇرىلىم باسقارماسىنىڭ باسشىسى، 2016 جىلدىڭ قازان ايىنان بەرى اتىراۋ وبلىسى اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باسشىسى قىزمەتىن اتقارىپ كەلەدى.
اتىراۋ وبلىستىق جاستار ساياساتى ماسەلەلەرى باسقارماسىنىڭ باسشىسى بولىپ قۇسپان روللان قابىل ۇلى تاعايىندالدى.
قۇسپان روللان قابىل ۇلى 16 قىركۇيەك 1987 جىلى دۇنيەگە كەلگەن. ءبىلىمى – جوعارى، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىن ەسەپ جانە اۋديت باكالاۆرى، جامبىل گۋمانيتارلىق-تەحنيكالىق ۋنيۆەرسيتەتى قۇقىق باكالاۆرى ماماندىعى بويىنشا اياقتاپ، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنەن ايماقتانۋ ماگيسترى اتاعىن العان.
ەڭبەك جولىن 2009 جىلى «قازاقستان جاستارىنىڭ كونگرەسى» زاڭدى تۇلعالاردىڭ قاۋىمداستىق نىسانىنداعى بىرلەستىگىندە ەسەپشى قىزمەتىنەن باستاعان.
2010-2012 جىلدارى «قازاقستان جاستارىنىڭ كونگرەسى» زاڭدى تۇلعالاردىڭ قاۋىمداستىق نىسانىنداعى بىرلەستىگى ديرەكتورىنىڭ ورىنباسارى، 2013-2014 جىلدارى وسى بىرلەستىكتىڭ اتقارۋشى ديرەكتورى، 2014-2015 جىلدارى «جاسوتان» جاستار قاناتىنىڭ رەسپۋبليكالىق قورى» كورپوراتيۆتىك قورى ديرەكتورىنىڭ ورىنباسارى، 2016 جىلدىڭ قىركۇيەگىنەن بەرى الماتى قالاسى جاستار ساياساتى ماسەلەلەرى جونىندەگى باسقارماسىنىڭ باسشىسى قىزمەتىن اتقاردى.
