قازاقستان اسا باسىمدىقتى ەلدەرمەن ينۆەستيسيالار تارتۋ بويىنشا كەشەندى جانە پاندىك جۇمىس جۇرگىزەدى. بۇل تۋرالى ق ر ۇكىمەتىنىڭ باسپا ءسوز ورتالىعىندا وتكەن بريفينگ بارىسىندا ينۆەستيسيالار جانە دامۋ ءمينيسترى جەڭىس قاسىمبەك مالىمدەدى دەپ حابارلايدى  Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.

جەڭىس قاسىمبەك بۇگىنگى تاڭدا ۇلتتىق ينۆەستيسيالىق ستراتەگيا اياسىندا شەتەلدىك ينۆەستيسيالار تارتۋ ماسەلەلەرىندە بەلسەندى ىنتىماقتاستىق جۇرگىزۋ جوسپارلانعان باسىمدىقتى ەلدەر انىقتالعانىن جەتكىزدى.

«36 ەل – بۇل ءبىرىنشى توپ، ولاردىڭ ىشىنەن وسى باعىتتا بىرگە جۇمىس جاساۋدى جوسپارلاپ وتىرعان اسا باسىمدىقتى 11 ەلدى انىقتايمىز. 11 – بۇل ەكونوميكامىزدىڭ نەگىزگى ينۆەستورلارى. تاۋەلسىزدىگىمىزدىڭ 25 جىلى بۇل ەلدىڭ كوبىنە قازاقستانعا ينۆەستيسيا سالاتىنىن كورسەتتى. تۇپتەپ كەلگەندە، ولار جالپى الەم بويىنشا نەگىزگى ينۆەستورلار بولىپ تابىلادى. ولاردىڭ ىشىندە، گەرمانيا مەن فرانسيا سياقتى ەۋروپالىق ەلدەر، سونداي-اق اقش، رەسەي، جۇڭگو، وڭتۇستىك كورەيا، جاپونيا جانە باسقا دا ءبىرقاتار ەلدەر بار»، – دەدى ج. قاسىمبەك.

ول بۇل مەملەكەتتەرمەن پاندىك جۇمىس جۇرگىزىلەتىنىن اتاپ ءوتتى، اتاپ ايتقاندا ءقازىردىڭ وزىندە Kazakh Invest كومپانياسىنىڭ وندا ناقتى جوبالار مەن قورلار بويىنشا نۇكتەلى جۇمىس جاسايتىن ءوز وكىلدەرى بار. بۇدان وزگە، بۇل ەلدەردە ءار ەلشىلىكتىڭ جانىندا ينۆەستيسيالار تارتۋ ماسەلەلەرىمەن اينالىساتىن ەلشىنىڭ ارنايى كەڭەسشىسى ءبىر جىل بويى جۇمىس ىستەپ كەلەدى.