اقش ۆيسە-پرەزيدەنتى مايك پەنس ۆەنەسۋەلاداعى دەموكراتيانىڭ قايتا قالپىنا كەلۋى ءۇشىن قۇراما شتاتتار ەكونوميكالىق جانە ديپلوماتيالىق شارالاردى قابىلداۋعا دايىن ەكەنىن مالىمدەدى دەپ حابارلايدى Qamshy.kz اقپارات اگەنتتىگى. پەنستىڭ ايتۋىنشا، ەلدەگى ساياسي احۋال امەريكا حالقىنىڭ قاۋىپسىزدىگىنە نۇقسان كەلتىرەدى.
وتكەن اپتادا اقش پرەزيدەنتى دونالد ترامپ ۆەنەسۋەلاعا اسكەري ارالاسۋ جونىندە ەسكەرتۋ جاساعان. كاراكاس مۇنى: «دۇشپاندىقتىڭ ەڭ سوراقى اكتى» دەپ اتاعان.
ايتا كەتەيىك، ۆەنەسۋەلادا الەۋمەتتىك-ەكونوميكالىق داعدارىس پەن حالىق تولقۋى جالعاسىپ كەلەدى. ەل پرەزيدەنتى نيكولاس مادۋرونىڭ ۇكىمەتى جاڭا كونستيتۋسيالىق اسسامبلەيا قۇرعان. بۇل زاڭنامانىڭ نەگىزىندە پارلامەنتتى مويىنداماۋ جاتىر. ايعا جالعاسقان توڭكەرىستىڭ سالدارىنان 120-عا جۋىق ادام قازا تاپتى.
