رەسەيدىڭ نوۆوسيبيرسك وبلىسىنداعى سلادكوە كولى قازاقستان رەسپۋبليكاسىنا بەرىلدى دەپ حابارلايدى Qamshy.kz اقپارات اگەنتتىگى نوۆوسيبيرسك وبلىسى كۋپينو اۋدانىنىڭ باسشىلىعى پورتالىنىڭ مالىمەتىنە سۇيەنىپ.
كول كۋپينو اۋدانى ورتالىعىنان 5 شاقىرىم جەردە ورنالاسقان. شەكارانى انىقتاۋ جۇمىستارى اياقتالعانشا، سلادكوە كولى رەسەي فەرەراسياسىنىڭ مەنشىگىندە بولعان.
"قازىرگى ۋاقىتتا شەكارانى بەلگىلەۋ جۇمىستارى اياقتالعان سوڭ، سلادكوە كولى تولىعىمەن قازاقستان رەسپۋبليكاسىنىڭ اۋماعىندا جاتىر"، – دەپ ەسكەرتتى وبلىس باسشىلىعى. ەسكەرتۋ اتالمىش كولگە اڭ اۋلاۋعا باراتىن جەرگىلىكتى جەر تۇرعىندارى مەن نوۆوسيبيرسك، ومبى تۇرعىندارىنا تىكەلەي قاتىسى ەكەنىن جەتكىزدى.
اتالعان جاڭالىقتى وتاندىق اقپارات اگەنتتىكتەرى جارىسا جازۋدا. Sputnik قازاقستان بۇل تۋرالى مالىمەت الۋ ءۇشىن قازاقستاننىڭ سىرتقى ىستەر مينيسترلىگىنە حابارلاسقانىن جازدى، الايدا ۆەدومستۆو قانداي دا ءبىر اقپارات بەرۋگە دايىن ەمەس ەكەنىن تىلگە تيەك ەتتى.
