ماليدە لاڭكەستەر بىرىككەن ۇلتتار ۇيىمىنىڭ وكىلدىگىنە شابۋىل جاساپ، 7 ادام قازا تاپتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ. تاعى 6 بىتىمگەر جارالانعان.

قازا تاپقانداردىڭ بىرەۋى ۇيىم قىزمەتكەرى، ءبىرى پوليسيا قىزمەتكەرى، قالعانى جەرگىلىكتى كۇزەتشىلەر. وقيعا ەلدىڭ سولتۇستىگىندەگى تيمبۋكتۋ قالاسىندا بولدى. سودىرلار كولىكپەن كەلىپ، بىتىمگەرلەردىڭ بازاسىن اتقىلاعان. وسىدان كەيىن اتىس باستالىپ، اسكەريلەر بارلىق 6 لاڭكەستىڭ كوزىن جويدى.

ايتا كەتەيىك، سودىرلار كەشە عانا دۋەنسا قالاسىنداعى بىتىمگەرلەر بازاسىنا شابۋىل جاساپ، 2 ادامدى ءولتىرىپ كەتكەن ەدى. رەسمي دەرەككە قاراعاندا، وتكەن جىلى بۇل ەلدە لاڭكەستەردىڭ قولىنان 100 بىتىمگەر قازا تاپقان. سوندىقتان بۇۇ-نىڭ ماليدەگى وكىلدىگى الەمدەگى ءقاۋىپتى ميسسيالاردىڭ ءبىرى سانالادى.