ورتالىق كوممۋنيكاسيالار قىزمەتىندە قاراعاندى جانە اتىراۋ قالالارىندا وتكىزىلەتىن اپاتتىق-قۇتقارۋ جاتتىعۋىنا ارنالعان باسپا ءسوز كونفەرەنسيا ۇيىمداستىرىلدى دەپ حابارلايدى Qamshy.kz اقپارات اگەنتتىگى.

باسپا ءسوز كونفەرەنسياعا ق ر يدم  «كاسىبي اسكەريلەندىرىلگەن اۆاريالىق-قۇتقارۋ قىزمەتى»  رمك باس ديرەكتورىنىڭ م.ا. گەنەرال-مايور ديحانبەك جانقوراز ۇلى ساتىلعانوۆ،  باس ديرەكتورىنىڭ ورىنباسارى قانات اسكەربەك ۇلى امانوۆ، تاۋ-كەن جانە كومىر سالاسىنىڭ جەدەل الدىن الۋ جۇمىستارى جونىندەگى باسقارما باستىعى  سەرگەي ۆاسيليەۆيچ كرىسين، مۇناي-گاز جانە حيميا سالاسى جەدەل-الدىن الۋ جۇمىستارى جونىندەگى باسقارما باستىعى  مۇرات دۋلات ۇلى قاليتوۆ قاتىستى.

2017 جىلعى 21 تامىزدان 25 تامىز ارالىعىندا «كااقق» رمك قاراعاندى فيليالىنىڭ وقۋ-جاتتىعۋ پوليگونىندا تاۋكەن جانە كومىر سالاسىنداعى «ءىV ەتاپتى تاۋكەن-قۇتقارۋ بويىنشا كوپسايىستى جارىس» وتەدى. بۇل جارىسقا شىعىس قازاقستان، پاۆلودار، جامبىل، اقتوبە، قوستاناي، قاراعاندى وبلىستارىنىڭ قۇتقارۋشىلارى كەلىپ قاتىسادى.

 - وقۋ-جاتتىعۋدىڭ باستى ماقساتى جەدەل قۇرامنىڭ اۆاريالىق-قۇتقارۋ وپەراسيالارىنىڭ ادىستەرىن جۇرگىزۋ جانە وڭدەۋ تاسىلدەرى ارقىلى اۆاريالىق-قۇتقارۋ جۇمىستارىن جۇرگىزۋدە دايىندىق دەڭگەيىن كوتەرۋ، تەحنوگەندىك سيپاتتاعى ءىرى اۋقىمدى اۆاريالاردى جويۋ كەزىندە جەدەل توپتاردىڭ ءوزارا ىس-ارەكەتتەر جاساۋ، سونداي-اق قۇتقارۋشىلاردىڭ جاتتىعۋلارىن دايىنداۋ، - دەپ اتاپ ءوتتى  ديحانبەك  ساتىلعانوۆ.

ءوز سوزىندە ديحانبەك  ساتىلعانوۆ جەدەل دەن قويۋ شتاتتان تىس جاعدايداعى جانە كەز كەلگەن كۇردەلى اۆاريانى جويۋ جۇمىستارىنا ۇنەمى تاۋلىك بويى ازىرلىكتە 2800-دەن استام جوعارى بىلىكتى كاسىبي قۇتقارۋشىلارى، 600 بىرلىك اۆاريالىق-قۇتقارۋ تەحنيكالارى، 6700 بىرلىك ارنايى جابدىقتارى تاعايىندالعاندىعىن ايتتى.

باسپا ءسوز كونفەرەنسيا بارىسىنداعى بايانداماسىندا  سەرگەي كرىسين، جارىس شىن مانىندەگى  بارىنشا اقيقاتقا جۋىق شارتتى ماعىنادا وتەتىندىگىن تولىقتىرىپ ايتتى. جارىس باعدارلاماسىنا: شاحتاعا تۇسۋگە دايىندىق جانە گازدالعان ورتادان، ءبولىنىپ شىققان گازدالعان قازبا قوزعالسىنان كەتۋ ءىس-شارالارى كىرەدى.

 2017 جىلعى 28 قىركۇيەكتەن 30 قىركۇيەك ارالىعىندا، سونداي-اق اتىراۋ قالاسىندا مۇناي گاز جانە حيميا سالاسىنداعى «اتقىلاما-2017» ارنايى-تاكتيكالىق اۋماقتىق جاتتىعۋ» «كااقق» رمك اتىراۋ فيليالىنىڭ وقۋ-جاتتىعۋ پوليگونىندا وتەدى. ارنايى-تاكتيكالىق اۋماقتىق جاتتىعۋىنا اقتوبە، اتىراۋ، باتىس قازاقستان، ماڭعىستاۋ وبىلىستارىنان كوماندالار كەلىپ قاتىسادى. جاتتىعۋ مىناداي بىرنەشە ەتاپتاردى: مۇناي-گاز سالاسىنىڭ ءقاۋىپتى وندىرىستىك وبەكتىلەرىندەگى  ءتۇرلى تەحنوگەندىك اۆاريالاردى جويۋ ءۇشىن قاجەتتى كۇش پەن قۇرالدارىن كورسەتۋدە جەدەل توپتىڭ كورنەكى ونەر كورسەتۋىن؛ قۇتقارۋشىلاردىڭ تەوريالىق بىلىمدەرى مەن دەنە دايارلىقتارىن تەكسەرۋ؛ اپاتتى جويۋداعى پراكتيكالىق وپەراسيالاردى قامتيدى.

- بۇدان باسقا، جاتتىعۋ اياسىندا اۆاريالىق-قۇتقارۋ جابدىقتارى مەن بولىمشەلەردىڭ اتقىلاماعا قارسى تەحنيكالارىنىڭ كورمەسى كورسەتىلەتىن بولادى،- دەدى  مۇناي-گاز جانە حيميا سالاسى جەدەل-الدىن الۋ جۇمىستارى جونىندەگى باسقارما باستىعى  مۇرات دۋلات ۇلى قاليتوۆ.