قازاقستان رەسپۋبليكاسىنىڭ قارجى مينيسترلىگى استانا قالاسىنىڭ سول جاعالاۋىنا كوشەدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
مەملەكەتتىك كىرىستەر كوميتەتىنىڭ جاڭعىرتۋ باسقارماسىنىڭ باسشىسى جامبىل سۇراعانوۆتىڭ ايتۋىنشا، بۇدان بىلاي مەملەكەتتىك كىرىستەر كوميتەتىنىڭ بارلىق ازاماتتىق قىزمەتكەرلەرى وڭ جاعالاۋداعى قارجى مينيسترلىگىنىڭ بۇرىنعى عيماراتىنا كوشپەك.
«ءبىز بۇرىن ءارتۇرلى عيماراتتاردا جۇرەتىنبىز. حاتتاما بويىنشا ەكونوميكالىق تەرگەۋ قىزمەتى قۇقىق قورعاۋ بلوگى بولعاندىقتان جەكە وتىرۋى كەرەك. قارجى مينيسترلىگى مينيسترلىكتەر ۇيىندەگى عيماراتقا كوشەتىندىكتەن، قازىرگى ۋاقىتتا مەملەكەتتىك كىرىستەر كوميتەتىنىڭ بارلىق ازاماتتىق قىزمەتكەرلەرى بوساعان عيماراتقا كوشەدى»، - دەپ ايتتى جامبىل سۇراعانوۆ.
