كولۋمبيا پرەزيدەنتى حۋان مانۋەل سانتوس كولۋمبيانىڭ ريەۆوليۋسياشىل قارۋلى كۇشى مەن بيلىك اراسىنداعى 50 جىلعا سوزىلعان قاقتىعىستىڭ اياقتالعانىن حابارلادى. بۇل تۋرالى Qamshy.kz اقپارات اگەنتتىگى AFP مالىمەتىنە سۇيەنىپ حابارلايدى.
15 تامىز كۇنى كولۋمبيانىڭ ريەۆوليۋسياشىل قارۋلى كۇشى وزدەرىنىڭ قارۋ-جاراقتارىن تاپسىردى.
ەل پرەزيدەنتىنىڭ ايتۋىنشا، ءوز قارۋلارىن تاپسىرۋ ارقىلى ولار قاقتىعىستىڭ اياقتالعانىن مالىمدەپ وتىر.
ەسكە سالا كەتسەك، 2016 جىلى كولۋمبيا پرەزيدەنتى حۋان مانۋەل سانتوس پەن كولۋمبيا ريەۆوليۋسياشىل قارۋلى كۇشىنىڭ باسشىسى رودريگو لوندونو ەچيەۆەرري ەلدەگى بەيبىتشىلىك تۋرالى قۇجاتقا قول قويعان. جارتى عاسىرعا جالعاسقان قاقتىعىس سالدارىنا 220 ادام كوز جۇمعان.
