ق ر ءبىلىم جانە عىلىم ءمينيسترى ەرلان ساعادييەۆ «ساۋات اشۋ» پانىنە وزگەرگەن «الىپپەنىڭ» 2019 جىلى قالپىنا كەلتىرىلەتىنىن ايتتى، ― دەپ حابارلايدى Qamshy.kz اقپارات اگەنتتىگى.
«بيىل ايتارلىقتاي وزگەرىستەر بولعان جوق، ءبىلىم سالاسىنداعى ەڭ ماڭىزدى وزگەرىستەر بىلتىرعى جىلى بولعان، ەندى ءبىز سول وزگەرىستەرى ارى قاراي جالعاستىراتىن بولامىز»، ― دەپ ءسوز باستاعان ەرلان ساعادييەۆ بارلىق وزگەرىستەردىڭ جوسپار بويىنشا جاسالىپ جاتقاندىعىن ايتتى.
سونىمەن بىرگە ەرلان ساعادييەۆ 1500 ءمۇعالىمنىڭ اعىلشىن كۋرستارىن ءبىتىرىپ، اعىلشىن تىلىندە ساباق بەرىپ جۇرگەندىگىن دە ايتىپ ءوتتى. ەرلان ساعادييەۆتىڭ سوزىنە سۇيەنسەك، 2020 جىلى ەلىمىزدەگى ءبىلىم سالاسى تولىقتاي جاڭارتىلعان مازمۇنعا كوشەدى ەكەن.
«وقۋلىقتاردى وزگەرتۋگە 4 جىل سايىن قارجى بولىنەدى. ياعني، 2015 جىلى «ساۋات اشۋ» دەپ وزگەرگەن ءپان 2019 جىلى قايتا «الىپپە» دەگەن اتاۋمەن 0-سىنىپتان باستاپ وقىتىلاتىن بولادى. بالالار «الىپپەدەن» جوعارىلاپ «انا تىلگە» كوشەدى. ال «الىپپەنىڭ» لاتىن مەن كيريلليسانىڭ قايسىسىندا بولاتىنىن كەلەسى جىلدىڭ باسىندا شەشەمىز. ءبىراق ءبىز سوزبايمىز»، – دەدى ەرلان ساعادييەۆ.
ەرلان ساعادييەۆتىڭ پىكىرىنشە، قازاقتىڭ بالاسى قاي جەردە جۇرسە دە ءبىرىڭعاي جوعارى، ساپالى جانە زاماناۋي ءبىلىم الۋ كەرەك. سول سەبەپتى 2019 جىلدان باستاپ 10، 11-سىنىپتا ينفورماتيكا، حيميا، فيزيكا جانە بيولوگيا پاندەرى اعىلشىن تىلىندە وقىتىلادى.
ءبىلىم جانە عىلىم ءمينيسترى گرانت ماسەلەەسىنە دە توقتالعان بولاتىن. ونىڭ پىكىرى بويىنشا، ءار ماماندىققا بولىنگەن گرانت سانى 3 جىل بويى وزگەرمەگەندە عانا مەكتەپ ءبىتىرۋشى بۇنداي توسىن جاعدايعا تاپ بولمايدى.
«ءار ماماندىققا ءارتۇرلى گرانت بولىنەدى. مىسالى، جالپى مەديسيناعا 2000 گرانت بولىنسە، ءتىس ەمدەۋگە 45 گرانت، پەداگوگيكاعا 5000 گرانت بەرىلسە، ەكونوميكاعا 45 گرانت قانا بولىنەدى. ءسويتىپ، ەكونوميكانى وقىعىسى كەلگەن بالا 135 بالمەن تۇسە الماي، پەداگوگيكاعا 65 بالمەن ءوتىپ جاتىر. ءبىز بۇل ماسەلەنى شەشەمىز. التىن بەلگىلەردىڭ ماسەلەسىن دە دەپۋتاتتارمەن بىرگە تالقىلاپ جاتىرمىز. مەنىڭشە ءار ماماندىققا گرانتتاردىڭ سانى 3 جىل بۇرىن بەلگىلەنۋى كەرەك. 3 جىل وزگەرىسسىز قالسا بالالار دا الدىن الا بولجاپ وتىرادى»، – دەدى ءبىلىم جانە عىلىم ءمينيسترى ەرلان ساعادييەۆ.
