ەرلى-زايىپتى ءبىر كىسىلەر جاڭا پاتەرگە قونىس اۋدارادى. كەلەسى كۇنى تاڭەرتەڭ تاڭعى استى ءىشىپ وتىرعاندا ايەلى تەرەزەنى نۇسقاپ: «قىمباتتىم! كورشى ايەلدىڭ جۋىپ جايعان كيىمدەرىنە قاراشى. كىرى اشىلماعان، ناشار جۋىلىپتى. شاماسى ارزان ۇنتاق پايدالاتىن بولسا كەرەك»، – دەيدى. ايەلى كورشىنىڭ كەرىلگەن ارقانىنا جايىلعان كىر كيىمدەردى كۇن سايىن باقىلاپ جۇرەدى. ءبىر كۇنى تاڭەرتەڭ بايقاسا كورشىنىڭ كيىمدەرى تاپ-تازا! تاڭدانىسىن جاسىرا الماي جاڭالىقتى كۇيەۋىنە اسىعا حابارلايدى. شاماسى كورشىنىڭ ايەلى كىر جۋۋدى ۇيرەنگەن سەكىلدى، دەيدى. سوندا جولداسى: «مەن بۇگىن ءسال ەرتەرەك تۇرىپ كوپتەن بەرى تازالانباعان تەرەزەنى ءسۇرتىپ قويعانمىن»، -دەيدى بايسالدى قالپىن بۇزباي. 
وسىلايشا ءوز بويىنا قاتە تۇسىنىكتەردى بايقاماي قالىپتاستىرىپ الاتىن ادامدار دا بار. نەگىزى ادام وزگەلەردىڭ ىس-ارەكەتتەرىنە ءادىل باعا بەرۋى ءۇشىن ءوزىنىڭ كوڭىل تەرەزەسىن تازا ۇستاۋ قاجەت. ايتپەسە شىندىقتى شىنايى بەينەسىندە كورە الماي قاتەلەسەدى. وزگەنىڭ كۇناسىن تەرگەۋگە قۇمارمىز، ءوز كۇناڭىزدەن باستاڭىز، وزگەنى تەرگەۋگە ۋاقىت تاپپاي قالاسىز!