كراسنوداردا ەرلى-زايىپتى دميتريي مەن ناتاليا باكشەيەۆتەر ادام ءولتىردى جانە ەتىن ازىققا پايدالاندى دەگەن كۇدىككە ءىلىندى. "كراسنودارلىق ادامجەگىشتەرگە" قاتىستى قىلمىستىق ءىستى تەرگەۋ بارىسىندا ادامشوشىرلىق دەرەكتەر شىعىپ وتىر دەپ جازادى tengrinews.kz.

رەسەيلىك باق-تارعا سەنسەك، ەرلى-زايىپتى وسى ۋاقىتقا دەيىن 30 ادامدى ءولتىرىپ، ءمايىتىن جەپ قويعان. الايدا پوليسەيلەر كەمەروۆ وبلىسىنىڭ ازاماتشاسىن ءولتىرۋ جانە دەنەسىن بولشەكتەۋ دەرەگىن عانا انىقتاعان. ادامجەگىشتەر جايلى قۇقىق قورعاۋ ورگاندارى كەزدەيسوق ءبىلىپ قالعان - كۇدىكتىلەر سۇمدىق ىستەرىنىڭ سۋرەتتەرى بار ۇيالى تەلەفونىن جوعالتىپ العان.  ادامجەگىش ەرلى-زايىپتىنىڭ قۇربانى - كەمەروۆ وبلىسىنىڭ تۇرعىنى. 

"بلوكنوتا-كراسنودار" رەداكسياسى ەرلى-زايىپتىنىڭ قانداي تۇرمىس كەشكەنىن انىقتاپتى. باكشەيەۆتەر وتباسىنىڭ كورشىلەرى ولاردىڭ كىسى ءولتىرىپ، ادام ەتىن ازىققا پايدالانعانى تۋرالى ءۇش ۇيىقتاسا ويىنا كەلمەيتىن، قاراپايىم تۇرمىسى بولعانىن ايتىپ وتىر. 

"ول جاقتا از عانا تۇردىم، ولاردى بىرنەشە رەت قانا كوردىم. بويىنان الابوتەن وي بايقامادىم. قاراپايىم ادامدار، - دەيدى كورشىسى. - مۇنى كورگەندە ءوزىم ەسەڭگىرەپ قالدىم. وتكەن جىلدىڭ كۇزىندە ءبىر ايداي عانا تۇردىم. ەشكىممەن بايلانىسقا دا تۇسپەگەنمىن. بۇدان باسقا ايتارىم جوق".

تاعى ءبىر كورشىسى "ادام جەيتىن" تۇرعىن جايلى بىلاي دەيدى: سىرتتاي وتە سالماقتى ادام، ونىڭ وسىنداي سۇمدىققا باراتىنى تۋرالى وي كەلمەيدى. ءبىرتۇرلى كۇلەتىن. ەشكىممەن سويلەسپەيتىن. ءبىر كەزدە مەنەن كىلت سۇراعان. وعان ءبىر پروراب كەلەتىن، باسقا ەشكىمدى كورمەدىم. سىرتتاي ءوزىمىز سياقتى قاراپايىم ادام".

"جيۆايا كۋبان" باسىلىمى ادام جەدى دەگەن كۇدىككە ىلىنگەن ەر ادامنىڭ اسىراندى وتباسىدا وسكەنىن انىقتاپتى. ءدميترييدىڭ اتا-اناسى سىبىردە تانىسقان. ەمشەكتەگى ءسابي كەزىندە ونى بالاسىز وتباسى اسىراپ العان. سوسىن ولار كۋبانعا كەلگەن. 

10 جىلدان كەيىن ءدميترييدىڭ قارىنداسى دۇنيەگە كەلىپتى. كورشىلەرىنىڭ ايتۋىنشا، بالا قارىنداسىن جاقسى كورگەن، كوپ وينايتىن. دميتريي ءجاسوسپىرىم كەزىندە اناسى قاتەرلى ىسىكتەن قايتىس بولعان. ونىڭ قازاسىنان كەيىن اكەسى بالاسىنا اسىراندى ەكەنىن مويىنداعان. اسىراپ الۋ تۋرالى ويدى قايتىس بولعان شەشەسى باستاعانىن، ال ەندىگىدە وزىنە بالا قاجەت ەمەس ەكەنىن ايتقان. ءسويتىپ، دميتريي اكەسىنىڭ پاتەرىنەن كوشىپ كەتكەن.

18-گە تولعان دميتريي ناتاليامەن ۇيلەنىپ، ونىڭ ۇيىنە كىرىپ العان. كورشىلەرىنىڭ ايتۋىنشا، بالا وتە مومىن، كوزگە كورىنبەيتىن بولعان، ءبىراق ەشكىم ودان كۇدىكتەنبەيتىن. اكەسىنىڭ ۇيىنەن كەتىپ قالعاننان كەيىن ول كوزدەن تاسا بولىپتى. 

جۋرناليستەر ونىڭ ايەلىنىڭ ومىرىنەن دە دەرەكتەر كەلتىرىپ وتىر. ۇستالعاننان كەيىن ناتاليا بىردەن كلينيكاعا زەرتتەۋگە جاتقىزىلىپتى، الايدا پسيحيكالىق اۋىتقۋى بولماعان. ايەلدىڭ تەك تىس جاعدايلارعا كۇتپەگەن اسەرى بولعان، ونىڭ جاعدايىن "رەاكتيۆتى" دەپ باعالاپتى.  

الەۋمەتتىك جەلىلەردە ناتاليا باكشەيەۆاعا تيەسىلى بىرنەشە اككاۋنت تابىلعان، وندا ايەل باسقا فاميليامەن جازىلعان. ءاربىر پاراقشادا ونىڭ جانە ءۇي جانۋارلارىنىڭ سۋرەتتەرى بولعان. اككاۋنتتاردىڭ بىرىندە ايەلدىڭ ارماۆير مەديسينالىق ۋچيليششەسىندە وقىعانى جازىلعان.

بىرگە وقىعان قۇربىلارى ونى كوڭىل كۇيى ءاردايىم كوتەرىڭكى، اشىق قىز بولعانىن ايتادى. "ومىرىنە قۋانىپ، جاقسى وقىعان. بىرگە كوپ جىلداردى وتكەردىك... بۇل ومىردە كورمەگەن ازابى جوق"، - دەپ ەسكە الادى ناتاليانىڭ قۇربىسى.

بىرنەشە جىل بۇرىن ايەل جازعى ۋچيليششەنىڭ سانيتارلىق بولىمىندە مەدبيكە بولىپ قىزمەت ەتىپتى. "كوپ ىشكەن، الايدا تاماشا مامان، جاۋاپتى، سوسىن الكوگول تۇبىنە جەتتى"، - دەپ اڭگىمەلەدى "موسكوۆسكيي كومسومولەس" باسىلىمىنا بۇرىنعى قىزمەتتەسى.  ناتاليا باكشەيەۆا.

گازەتتىڭ مالىمەتىنشە، ايەل "كراسنودارلىق كاننيبالمەن" التى-جەتى جىل بۇرىن، ەكىنشى كۇيەۋى قايتىس بولعاندا تانىسقان. 

Mash پورتالىنىڭ مالىمەتىنشە، كۇدىكتىلەردىڭ ەرەسەك ۇلى بار. ەر ادام 12 جاسىنان بەرى وتباسىمەن بىرگە ءومىر سۇرمەيتىنىن، ولاردىڭ اراققا سالىنعانىنان كەيىن اتاسى مەن اجەسىنىڭ قولىندا تۇرىپ كەلگەنى ايتتى.  كراسنودارلىق كاننيبالداردىڭ پاتەرىنەن تابىلعان زات.

ال RT تەلەارناسى باكشەيەۆتەردىڭ كراسنودارداعى جاتاقحاناسىنان ۆيدەو جاريالادى. ۆيدەودان ءۇيدىڭ استاڭ-كەستەڭى شىققانىن بايقاۋعا بولادى.