سەيسەنبى كۇنى استانا اكىمى اسەت يسەكەشيەۆ قازاقستان ەلورداسىندا 2017/18 ج.  جىلۋ ماۋسىمىنىڭ باستالۋى تۋرالى قاۋلىعا قول قويدى، دەپ حابارلايدى Qamshy.kz اقپارات اگەنتتىگى استانا قالاسى  اكىمدىگى باسپا ءسوز قىزمەتىنىڭ مالىمەتىنە سۇيەنىپ.

«قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى» قازاقستان رەسپۋبليكاسىنىڭ 2001 جىلعى 23 قاڭتارداعى زاڭىنا، استانا قالاسىنداعى ءماسليحاتتىڭ 2014 جىلعى 27 ماۋسىمداعى شەشىمىمەن بەكىتىلگەن استانا قالاسىنداعى جىلۋ ماۋسىمىنا دايىندىق جانە وتكىزۋ قاعيدالارىنا سايكەس استانا قالاسىنىڭ اكىمدىگى استانا قالاسىندا 2017 جىلدىڭ 27 قىركۇيەگىنەن باستاپ 2017/18 ج. جىلۋ ماۋسىمىنىڭ باستالۋىن قاۋلى ەتتى، - دەلىنگەن استانالىق اكىمدىكتىڭ مەديورتالىعىندا ورنالاسقان قاۋلى ماتىنىندە.

وسىعان وراي، قۇجاتتا «استانا قالاسىنىڭ ەنەرگەتيكا  باسقارماسى» مەملەكەتتىك مەكەمەسىنە وسى قاۋلىدان تۋىندايتىن قاجەتتى شارالار قابىلداۋ تاپسىرىلعانى ايتىلادى.

قاۋلىنىڭ ورىندالۋىن باقىلاۋ قالا اكىمىنىڭ ورىنباسارى قوسمان ايتمۇحامبەتوۆكە جۇكتەلدى.

ەسكە سالاتىن بولساق، جۋىردا مەكتەپكە دەيىنگى مەكەمەلەرگە، مەكتەپتەرگە، دەنساۋلىق ساقتاۋ جانە مادەنيەت نىساندارىنا جىلۋ بەرۋ باستالدى.

الدىندا قالالىق ەنەرگەتيكا باسقارماسىندا ەلوردا مەكتەپتەرىنىڭ، اۋرۋحانالارى مەن مادەنيەت نىساندارىنىڭ جىلۋ ماۋسىمىنا 100%-دايىندىعى تۋرالى مالىمدەنگەن. كوپ قاباتتى ۇيلەر دە ءىس جۇزىندە جىلۋ قابىلداۋعا تولىعىمەن دايىن.