«الماتىدا دۇنيەجۇزىلىك تۋريزم كۇنى اياسىندا مەديسينالىق تۋريزم مەكتەبى اشىلدى»،-دەپ حابارلايدى قازتاگ. بۇل قازاقستاننىڭ تۋريستىك قاۋىمداستىعىنىڭ (قتق) ۇسىنىسى بولاتىن.  مەديسينالىق تۋريزم نارىعىنداعى باسەكەلەستىك ورتانىڭ ءوسۋى قىزمەتتەرگە باعانىڭ تومەندەۋى مەن ساپا دەڭگەيىنىڭ ارتۋىن ماجبۇرلەيدى، ال نارىقتا وسىنداي قىزمەتتى ۇسىنۋعا دايىن جاڭا ەلدەر پايدا بولادى. 

قازاقستان ءۇشىن مەديسينالىق ءتۋريزمدى بەلسەندى دامىتۋ كلينيكالارداعى قىزمەتتىڭ ساپانى ارتتىرۋعا جانە شەتەلدىك ەمدەلۋشىلەردى تارتۋعا مۇمكىندىك بەرەدى. وسى ماسەلە بايلانىستى سەميناردا مەديسينالىق تۋريزم اگەنتتىگى قاۋىمداستىعىنىڭ ساراپشىلارىمەن تالقىلاندى.

مەديسينالىق ءتۋريزمنىڭ قىزمەتىنە ۇلكەن سۇرانىس مۇقيات ءادىس-تاسىلدى جانە مامانداردىڭ سەرتيفيكاتتالۋىن تالاپ ەتەدى. وسى سالانىڭ دامۋى ساپالى ۇسىنىستارعا بايلانىستى. 
وسىعان وراي، بۇگىن AstanaLeisure2017 قازاقستاندا مەديسينالىق تۋريزم مەكتەبىنىڭ اشىلۋىن وتكىزدى – بۇل تەڭدەسى جوق جوبا، ونىڭ باستى ماقساتى ساپالى قىزمەتتى ودان ءارى دامىتۋ ءۇشىن مەديسينالىق ءتۋريزمنىڭ سەكتورىندا قاتىساتىن جەكە تۇلعالار مەن ۇيىمدار ءۇشىن ستاندارتتاردى ورناتۋ بولىپ تابىلادى.

بۇدان باسقا، 29 قىركۇيەككە دەيىن جالعاساتىن كورمەدە اۋە كومپانيالار مەن تۋريستىك اگەنتتىكتەر كەلۋشىلەرگە وپەراسيالىق قىزمەتىنىڭ ناتيجەلەرى تۋرالى مالىمەت بەرەدى. مىسالى، استانا كونۆەنشن بيۋرو كورمەسىنىڭ سەرىكتەسى Astana Leisure 2017 ىسكەرلىك باعدارلاماسىنىڭ اياسىندا استانا قالاسىنىڭ تۋريستىك الەۋەتىن ۇسىناتىن بولادى.

وسى جىلى ەگيپەتتەن كەلگەن كومپانيا توبىنىڭ قاتىساتىندىعىن اتاپ وتكەن ءجون. سونىمەن قاتار، رەسەي وڭىرلەرى: كراسنويار ولكەسى، چەليابى وبلىسى، تاتارستان رەسپۋبليكاسى جانە التاي-West شيپاجايى اۋقىمدى تۋريستىك ۇسىنىستارىمەن كەلدى.

ىسكەرلىك باعدارلامانىڭ اياسىندا AstanaLeisure 2017 قاتىسۋشىلارى مەن كەلۋشىلەرى جاڭا بيزنەس بايلانىستارىن رەتتەۋگە، حالىقارالىق جانە قازاقستاندىق تۋريستىك كومپانيالارمەن كەلىسىمشارتتاردى جاساۋعا، سونىمەن قاتار، تۋريزم سالاسىنداعى يننوۆاسيالارمەن بولىسۋگە مۇمكىندىك الادى.

AstanaLeisure 2017 كورمەسىنىڭ ۇيىمداستىرۋشىلارى مەن رەسمي قولداۋشىلارى: قازاقستان رەسپۋبليكاسى مادەنيەت جانە سپورت مينيسترلىگى، دۇنيەجۇزىلىك تۋريستىك ۇيىمى (يۋنۆتو)، استانا قالاسىنىڭ اكىمدىگى جانە ITE Group (ۇلىبريتانيا) پەن Iteca (قازاقستان) كورمە كومپانيالارى.