الەكساندر پوكرىشكين اتىنداعى نوۆوسيبيرسك تەحنيكالىق كوللەدجىنىڭ باسشىلىعى كوللەدج اۋماعىنا يوسيف ءستاليننىڭ ءمۇسىنىن ورناتۋعا جاپپاي قارسىلىق تانىتتى. بۇل تۋرالى «تايگا.ينفو» پورتالى حابارلادى.
كوللەدج ديرەكتورى گالينا تاليۋكينانىڭ ايتۋىنشا، ءستاليننىڭ ەسىمى كەڭەس تاريحىنىڭ «قايعىلى بەتتەرىمەن» تىكەلەي بايلانىستى. سونداي-اق تاليۋكينا الەكساندر پوكرىشكيننىڭ ستالينمەن ارا-قاتىناسى دۇرىس بولماعانىن دا ايتتى.
جەرگىلىكتى اگەنتتىكتىڭ مالىمەتىنە سۇيەنسەك، كوللەدجگە جاقىن ورنالاسقان «پاتريوت» ساياباعىنا ءستاليننىڭ ءمۇسىنىن ورناتۋدى نوۆوۆسيبيرسك اكىمشىلىگىنىڭ ءوزى شەشكەن. قالا بيلىگىنىڭ ارىزى بەيسەنبى كۇنى قارالاتىن بولادى.
بۇگىن «يابلوكو» پارتياسىنىڭ بەلسەندىلەرى ءستاليندى دارىپتەۋگە قارسى زاڭدى قابىلداۋ ءۇشىن مەملەكەتتىك دۋما عيماراتىنىڭ الدىنا جينالدى. ولار ءستالينيزمدى قايتا قالپىنا كەلتىرۋ سايااساتىنا جول بەرمەيتىندەرىن مالىمدەدى.
وتكەن اپتادا ءستاليننىڭ ءمۇسىنى وزگە دە كەڭەس باسشىلارىمەن قاتار «بيلىك اللەياسىندا» ورناتىلعان.
